कर्णाली प्रदेशमा पछिल्लो एकबर्षमा मानव अधिकार उल्लंघन तथा ज्यादतीबाट झन्डै पाँच सय पिडीत भएको पाइएको छ।इन्सेक कर्णाली प्रदेशले मानव अधिकार वर्ष पुस्तक २०२२ सार्वजनिक गर्दै अघिल्लो बर्षको तुलनामा यो बर्षमा उल्लंघनका घटनामा बृद्धि भएको जनार्इएको छ।
कर्णाली प्रदेशमा सन २०२१ तुलनामा सन २०२२ मा मानवअधिकार उल्लंघन तथा ज्यादतिका घटनामा बृद्धिभएको प्रतिवेदनमा उल्लेख गरिएको छ।वर्ष पुस्तकमा कर्णालीमा मानव अधिकार उल्लंघन र ज्यादतिका घटनामा ४ सय ९६ जना पीडित भएको उल्लेख छ।
जसमा राज्यपक्षबाट ३३ जना पिडित भएका छन भने अन्यपक्षबाट ४ सय ६३ पिडित भएको वर्ष पुस्तकमा उल्लेख गरिएको छ।कर्णालीमा सन २०२१ मा ३ सय ९६ जना पिडित भएको जनार्इएको छ।
सबै भन्दा धेरै महिला अधिकारका सम्बन्धी २ सय ११ जना पिडित भएका छन भने बालअधिकारका ८०, कुटपिटबाट १ सय ११ जना पिडित भएका छन।
यस्तै १३ जनाको हत्या भएको छ भने २७ जना घार्इते भएको वर्ष पुस्तकमा उल्लेख गरिएको छ।वर्ष पुस्तकमा पश्चिम सुर्खेतको पञ्चपुरीमा श्रीमानले श्रीमतीको विभत्स हत्या गरेको, वीरेन्द्रनगर १३ भुतचोकका धनिराम लामिछानेको डिभिजन वनमा भएको मृत्युको घटनालार्इ गभ्भिर रुपमा लिएको जनार्इएको छ।
यस्तै गुर्भाकोट नगरपालिका २ का सात बर्षिय बालिकाको बलात्कारपछि भएको हत्यालार्इ इन्सेकले गम्भिर घटनाको रुपमा लिदै प्रतिवेदनमा समावेश गरेको छ।कर्णालीमा ८८ जनामा बलात्कार घटना, बलात्कार प्रत्यासका ११ जना गरी १ सय २१ जना पिडित भएको जनार्इएको छ।यसैबीच कर्णालीका ७९ स्थानीय तहमध्ये नौ स्थानिय तहमा मात्रै मानव अधिकार उल्लंघनका तथा ज्यादतीयका घटना नभएको पार्इएको हो।
सबैभन्दा धेरै वीरेन्द्रनगरका ३८ जना पिडित भएको जनार्इएको छ भने ५६ स्थानियतहमा एकदेखी १० जनासम्म पीडित भएका घटना इन्सेकको अभिलेखमा उल्लेख गरिएको छ।
यसैबीच इन्सेक कर्णाली प्रदेश संयोजक नारायण सुवेदीले पछिल्ला वर्षहरुमा मानवअधिकार उल्लंघनका घटनाहरु बढ्दै गएको बताउनुभयो।उहाँले विगतका वर्षहरुमा जस्तै यसवर्ष पनि पारिवारिक हत्याका विभत्स घटनाहरुको संख्या धेरै रहेको बताउनुभयो। संयोजक सुवेदीले गतवर्षको तुलनामा यसवर्ष पनि मानव अधिकारको घटनामा सुधार हुन नसकेको भन्दै यसको लागी सबैको साथ र सहयोग आवश्यक रहेको उल्लेख गर्नुभयो।
उहाँले कालिकोटमा भएको बम विष्फोटमा परी तिन जनाको मृत्यु घटना गभ्मिर भएको भन्दै घार्इते र मृतकका परिवारले अहिलेसम्म पनि क्षतिपुर्ति नपाएको बताउनुभयो।
कार्यक्रममा सहभागिहरुले घटनाको सत्यतथ्य बुझेर सम्बन्धित निकायलार्इ जवाफदेखी बनाउन पहल गर्न आग्रह गरेका छन।उनीहरुले अहिले विभिन्न गाँउसमाजमा थुप्रै खाल्का मानवअधिकार उल्लंघनका घटना भएपनि त्यस्ता खाल्का घटनाहरु बाहिर आउन नसकेको बताएका छन।
प्रकाशित मिति: ७ फाल्गुन २०७९, आईतवार १६:५८
