काठमाडौँ । नेपाली कांग्रेस केन्द्रीय कार्यसमितिको मंगलबार बसेको आकस्मिक बैठकद्वारा नेपाली कांग्रेसका नेता, पूर्व कोषाध्यक्ष तथा पूर्व मन्त्री रामकृष्ण ताम्राकारको निधनप्रति दुःख व्यक्त गर्दै पारित शोक प्रस्ताव र निर्णय गरेको छ ।
नेपाली कांग्रेसका नेता, पूर्व कोषाध्यक्ष तथा नेपाल सरकारको वाणिज्यस स्वास्थ्यस उद्योग, वाणिज्य तथा आपूर्ति मन्त्रालयको मन्त्री पदको जिम्मेवारी सम्हालेका ताम्राकारको वैशाख १० गते दिउँसो ललितपुर स्थित अल्का अस्पतालमा उपचारका क्रममा निधन भएको हो ।
नेपाली कांग्रेसले मंगलबार प्रेस विज्ञप्ती जारी गर्दै नेता ताम्राकारको असामयिक तथा दुःखद निधनले हामी स्तब्ध भएको जनाएको छ ।
राष्ट्रियता, लोकतन्त्र र समाजवादप्रति अटल आस्था र समर्पणभाव राख्ने दिवंगत नेता ताम्राकारको निधनले नेपाली कांग्रेस र सिङ्गो मुलुकलाई अपूरणीय क्षति पुगेको समेत कांग्रेसद्वारा जारी विज्ञप्तीमा उल्ललेख गरिएको छ ।
नेपाली कांग्रेसका नेता, पूर्व कोषाध्यक्ष एवं पूर्व मन्त्री ताम्राकारको पार्थिव शरीरलाई अन्तिम श्रद्धाञ्जली अर्पण गर्न वैशाख ११ गते विहान १०ः३० देखि दिउँसो १ः०० बजेसम्म पार्टीको केन्द्रीय कार्यालय, बी.पी. स्मृति भवन, बी।पी। नगर, ललितपुरको प्राङ्गणमा राखिने र त्यसपछि भोलि नै पशुपति आर्यघाटमा उनको दाहसंस्कार हुने कांग्रेसद्वारा जारी विज्ञप्तीमा जनाइएको छ ।
दिवंगत नेता ताम्राकारप्रति उच्च सम्मान प्रकट गर्दै वैशाख ११, १२ र १३ गते तीन दिनसम्म पार्टीको केन्द्रीय कार्यालय र मातहतका सबै कार्यालयहरुमा झण्डा आधा झुकाउने तथा शोक श्रद्धाञ्जलीका कार्यक्रम बाहेक पार्टीका अरु सबै कार्यक्रमहरु स्थगित गर्ने निर्णय गरेको कांग्रेसले जनाएको छ ।
साथै वैशाख ११ गते बुधबारका दिन केन्द्र तथा मातहतका सबै कार्यालयहरु बन्द गर्ने । स्वर्गारोहणको १३ औं दिनसम्म केन्द्र र जिल्ला कार्यालयहरुमा शोक पुस्तिका राख्ने, स्वर्गारोहण १३ औं दिनमा केन्द्र र सबै जिल्लाहरुमा शोक सभाको आयोजना गर्ने कुरा पार्टीका मुख्य सचिव कृष्णप्रसाद पौडेलद्वारा जारी विज्ञप्तीमा उल्लेख गरिएको छ ।
प्रकाशित मिति: १० बैशाख २०७६, मंगलवार २१:२३
