राजविराज, १ पुस । छुट्टाछुट्टै ठाउँमा भएको सवारी दुर्घटनामा आज सप्तरीमा दुई जनाको मृत्यु भएको छ ।
मृत्यु हुनेमा तरही गाविस– ९ का सञ्जय साह रौनियार र बकधुवा– ७ का बमबहादुर थापा रहेका छन् । गहँुको खेत जोतेर घरतर्फ जाने क्रममा स१त २८४८ न। का ट््याक्टर सडक छेउमा रहेका पोखरीमा पल्टिँदा ट््याक्टर चालक रौनियारको मृत्यु भएको हो ।
त्यस्तै पूर्व– पश्चिम राजमार्गअन्तर्गत सप्तरीको बकधुवा– ७ मा मोटरसाइकलको ठक्करबाट गम्भीर घाइते भएका साइकलयात्री थापाको उपचारका क्रममा विराटनगरस्थित न्यूरो अस्पतालमा मृत्यु भएको प्रहरीले जनाएको छ । पश्चिबाट पूर्वतर्फ जाँदै गरेको ज ४ प २८७७ न। को मोटरसाइकलले उनलाई ठक्कर दिएको थियो ।
मानवअधिकार हनन्का ३७९ वटा घटना
पछिल्लो एक वर्षयता सप्तरीमा ३७९ वटा मानवअधिकार हनन्का घटना भएको अनौपचारिक सेवा केन्द्र इन्सेकले जनाएको छ ।
केन्द्रका जिल्ला प्रतिनिधि मनोहरकुमार पोखरेलका अनुसार जिल्लामा सन् २०१६ मा एक असइ, एक बालक, दुई बालिका, चार महिला र कथित बोक्साको आरोपमा एक पुरुष गरी ९ जनाको हत्या भएका छन् ।
सबैभन्दा बढी घरेलु हिंसाका दुई २८३, बालिका बलात्कारका १७, बालिका बलात्कार प्रयासका नौ, महिलामाथि बलात्कारका पाँच, महिलामाथि बलात्कार प्रयासका नौ, गर्भपतनका तीन, कथित बोक्सीको पाँच, बहुविवाहका १५, बालविवाहका दुई, विद्यार्थीमाथि कुटपिटको चार, बम विस्फोटको चार र अपहरणका तीन घटना भएको पोखरेलले जानकारी दिए ।
सोहि अवधिमा राज्यबाट यातनाको एक, अभिव्यक्ति स्वतन्त्रतताका पाँच, आर्थिक, सामाजिक तथा सांस्कृतिक अधिकार सम्बन्धी तीन, प्रधानाध्यापक र पत्रकारमाथि कुटपिटका एक-एक घटना भएको उनले बताए । रासस
