जुम्ला, ९ कात्तिक । नेपाली कांग्रेसका पूर्व महामन्त्री प्रकाशमान सिंहले कर्णाली वासीको विकास प्रतिको चाहना कांग्रेसले मात्रै पुरा गर्ने वताएका छन् । उनले कर्णालीको सुख दुखमा कांग्रेसको प्रत्यक्ष संलग्नता रहेको वताए ।
जुम्लामा आज आयोजित कार्यकर्ता भेलालाई सम्वोधन गर्दै कांग्रेस केन्द्रीय सदस्य समेत रहेका नेता सिंहले कर्णालीको समग्र विकासमा कांग्रेसको प्रतिवद्धता र दृढता रहेको बताए । उनले भने, कर्णाली सधैभरी दुर्गमताको दृष्टिले चिनिन नहुने भन्दै अव सुगम र समृद्ध कर्णालीका लागि सवैको हातेमालो आवश्यक रहेको वताए ।
कांग्रेसका प्रभावशाली नेता सिंहले कर्णाली लगायत ६ नम्वर प्रदेशको विकासका लागि स्थानीय, प्रान्तिय र केन्द्रिय तहको चुनावमा कांग्रेसलाई अग्रस्थानमा ल्याउने गरि कार्यकर्ता लाग्नु पर्ने वताए । उनले भने, अनिमात्र कर्णालीको विकासको चाहना पुरा गर्न सकिनेछ ।
कांग्रेस कहिल्यै पनि सानातिना र झिनामसिना कुरामा नलागेको भन्दै नेता सिंहले भने, निकट भविष्यमै प्रमुख प्रतिपक्षी दल एमाले र आन्दोलनरत दलसँग वार्ता र संवादका माध्यमवाट समस्या समाधान गर्न पहल गर्ने वताए ।
कांग्रेस नेतृत्वमा संविधान निर्माण भएकोले कार्यन्वयनको जिम्मा पनि कांग्रेसको काधमा रहेको जिकिर गरे । देशमा राजनैतिक अस्थिरताका कारण विकासका काम अलपत्र परेको सुनाउदै उनले संक्रमण कालको अन्त्य र स्थायी राजनीतिको पक्षमा कांग्रेस अघि वढेको वताए । आगामी दिनमा हुने तीनवटै निर्वाचनको लागि कार्यकर्तालाई तयारी हालतमा रहन उनले निर्देशन समेत दिए ।
सहकारी तथा गरिबी निवारण मन्त्री हृदयराम थानीले कर्णाली र सुर्खेत जिल्लाको सम्वन्ध नग र मासु जस्तै भएको भन्दै कर्णालीको दुख पिडामा सुर्खेतले सदैव साथदिने विश्वास व्यक्त गरे । अव कर्णालीलाई राज्यदेखि टाढा हुन नदिनको लागि कर्णालीमैत्री योजना निर्माणमा जोड दिने वताए । उनले कर्णालीका नदिमा विद्युत वगिरहेको भन्दै यहाँको विद्युत र पर्यटनलाई प्रभावकारी रुपमा अघि वढाउन सकेको खण्डमा ६ नम्वर प्रदेशको आम्दानीको आधार वन्नेमा बताए । विद्युत विकासले नै समग्र प्रदेशको विकास संभव हुने उनको भनाइ थियो ।
कर्णालीको आर्थिक, सामाजिक, सास्कृतिक र पर्यटन अवस्थालाई मध्यनजर गर्दै जुम्लालाई फ्यूल सेन्टर वनाएर अघि वढ्न पहल गर्ने प्रतिवद्धता जनाए । आफुसँग ६ नम्वर प्रदेशको विकास गर्ने मार्ग चित्र भएको दावी गर्दै उनले चुनौति, समस्या र समाधानको भारी कर्णालीवासीमै रहेको वताए ।
मन्त्री थानीले सहकारी ऐन परिमार्जन गर्ने, गरिवलाई परिचय पत्रसँगै राहातका योजना प्रदान गर्ने खालका कार्यक्रम ल्याउन लागिएको जानकारी दिए । उनले स्थानीय निकायाको चुनाव आगामी चैत महिनामा हुने र २०७४ माघ सम्म तिनै तहको चुनाव गर्न सरकार प्रतिवद्ध रहेको वताए ।
कार्यक्रममा सांसद रिता शाही, पूर्व केन्द्रिय सदस्यद्धय शिवराज जोशी र दिनवन्धु श्रेष्ठ, महासमिति सदस्य कान्तिका सेजुवाल, सुर्खेत सभापति कमलराज रेग्मी लगायतले कर्णालीको विकासमा नेपाली कांग्रेसका नेता जिम्मेवार भएको दावी गर्दै आगामी दिनमा अझै वढि लाग्ने विश्वास व्यक्त गरेका थिए ।
प्रकाशित मिति: ९ कार्तिक २०७३, मंगलवार १९:३४
