वीरेन्द्ररनगर नगरपालिका–१३ करेखोलामा अस्थायी प्रहरी पोष्ट स्थापना गरिएको छ।प्रमुख जिल्ला अधिकारी शंकरहरि आचार्यले आज एक कार्यक्रमका बीच प्रहरी पोष्ट स्थापना उद्घाटन गर्नुभएको हो।
अव त्यस क्षेत्रमा प्रहरी हल्वदारको नेतृत्वमा चार जना प्रहरी खटाइएको भएको छ।प्रहरी पोष्ट स्थापनाले गाउँमा हुने झैझगडा, हिंसा, चोरीलगायतका अपराधका घटनामा नियन्त्रणमा हुने प्रमुख जिल्ला अधिकारी आचार्यले बताउनुभयो।
उहाँले निकट भविष्यमै यहाँ स्थायी प्रहरी पोष्ट स्थापनाको लागी पहल थाल्ने प्रतिबद्धता जनाउनुभयो।यसअघि वीरेन्द्रनगरको कार्यक्षेत्र निकै टाढा भएको भन्दै पटक–पटक स्थानीयले प्रहरी पोष्ट माग्दै आएका थिए।
प्रमुख जिल्ला अधिकारी आचार्यले प्रहरी नागरिककै सुरक्षाका लागि खटिने भएकाले आवश्यक सहयोगका लागि स्थानीयसँग आग्रह गर्नुभयो।
अस्थायी पोष्ट स्थापना कार्यक्रममा सुर्खेतका प्रहरी प्रमुख रूपेश खड्का सहित तिनवटै सुरक्षा निकायका प्रमुख वीरेन्द्ररनगर नगरपालिकका प्रमुख प्रशासकिय अधिकृत लक्ष्मीप्रसाद बास्कोटा, जनप्रतिनिधि, स्थानीय राजनितिक दलका प्रतिनिधिहरुको सहभागिता रहेको थियो।
वीरेन्द्रनगर नगरपालिका वडा नम्बर १३ का अध्यक्ष दिपेन्द्रराज कोइरालाको सुरक्षा संवेदनशीलताको हिसाबले करेखोलामा अस्थायी प्रहरी पोष्ट स्थापना गरिएको बताउनु भयो।
कार्यक्रमको सञ्चालन वडा सचिव तस्विर विकले गर्नुभएको हो।
प्रकाशित मिति: १० पुष २०८१, बुधबार १७:३१
