काठमाडौं, २० जेठ । नेपाली कांग्रेसका उपसभापति विमलेन्द्र निधिले कम्युनिष्ट बिचारधारा पतनको दिशातिर उन्मुख हुुदै गएको बताएका छन् ।
नेपालमा कम्युनिष्ट पार्टीले गत निर्बाचनमा पाएको सफलतालाई उपसभापति निधिले मर्ने बेलामा कमिलाको प्वाख पलाएजस्तो भएको टिप्पणी गरे । उनले भने, “जसरी मर्ने बेलामा कमिलाको प्वाख पलाउछ त्यसैगरी समाप्त हुने बेलामा नेपालमा कम्युनिष्ट सरकार गठन भएको छ ।”
वन वातावरण श्रमिक संघको दोस्रो केन्द्रीय महाधिवेशनको आइतबार राजधानीमा उद्घाटन गर्दै उनले बिचारधाराको परिवर्तनसंगै कम्युनिष्ट शासन पनि पतनको दिशातिर उन्मुख भएको उल्लेख गरे ।
सरकारका १०० दिनको उपलब्धि हेर्दा आश गर्ने कुनै ठाउ“ बांकी नरहेको उनको भनाई थियो । सरकारले सय दिनको समय पार्टी मिलाउनमै खर्च गरेको भन्दै पूर्व उपप्रधानमन्त्री समेत रहेका निधिले भने, “ सरकारले संघीयता, समावेशिता विरुद्ध सिण्डिकेट खडा गरेको छ ।”
रक्सौल र कोराला नाकाबाट काठमाडौंमा रेल गुडाउने कुरा गरेर कम्युनिष्ट सरकारले भारत र चीनको चाकडी गर्नुबाहेक अरु केही काम नगरेको बताए । “बर्षौंदेखिको हुलाकी राजमार्ग बनाउने कुरा भारतले होल्ड गरेर राखेको छ”, उपसभापति निधिले भने, “ अब काठमाडौंमा रेल ल्याउने कुरा पनि त्यसैगरी होल्ड गरेर राख्छ ।”
अहिलेको सरकारले हुलाकी राजमार्गको काम अगाडि बढाएन भनेर सोध्नुनर्पेमा त्यसो नगरी चाकडी गरेको टिप्पणी गरे । सरकारका हरेक गतिविधि आत्मप्रशंसामा समय खर्च गर्नुकासाथै हरेक अधिनायकवादतर्फ उन्मुुख भएको उपसभापति निधिको भनाई थियो ।
प्रकाशित मिति: २० जेष्ठ २०७५, आईतवार १४:१५
