काठमाडौँ, २१ वैशाख । नेकपा एमालेका बरिष्ठ नेता माधव कुमार नेपालले क्रान्तिकारी संस्कारमा क्षयिकरण हुदै गएको भन्दै चिन्ता व्यक्त गरेका छन् ।
शुक्रबार राजधानी काठमाण्डौमा आयोजित कार्लमाक्र्सको जन्म द्धिशतवार्षिकी समारोहलाई सम्बोधन गर्दे उनले क्रान्तिकारी र कम्युनिष्ट संस्कार अबलम्बन गर्नुपर्नेमा जोड दिएका हुन् । उनले पछिल्लो समयम कम्युनिष्ट आन्दोलन र क्रान्तिकारी संस्कारमा क्षयिकरण सुरु भएको, विकृति विसंगति देखिएको बताए । क्रान्तिकारी चेत भएर मात्रै नहुने भन्दै उनले कम्युनिष्ट संस्कार र क्रान्तिकारी संस्कारको आवश्यकता औँल्याए ।
उनले माक्र्सको द्धन्द्धात्मक भौतिकवाद र समाजवादलाई गतिशिलताको आधारमा बुझदै र बुझाउदै जानुपर्ने बताए । उनले गतिशिलतामा सिद्धान्तलाई बुझ्नुपर्नेमा जोड दिए । माक्र्सले भनेका शब्द कण्ठ गरेर अघि बढ्यौ भने त्यो संभव नहुने उनको तर्क थियो । जनजीविकाका प्रश्न र परिर्वतनका एजेण्डाको जिम्मेवारी लिदै जनचेतना, जनजागरण र संगठन सुदृढीकरणको सम्बन्धलाई यथोचित बुझेर संगठन परिचालन गर्नुपर्नेमा उनले जोड दिए ।
विश्वमा समाजवादको औचित्य र सान्र्दभिकता अझै महसुस भईरहेको भन्दै उनले, माक्र्सवादलाई अझै बुझ्नु र अध्ययन गर्नु जरुरी रहेको बताए ।
कार्यक्रममा एमालेका अर्का बरिष्ठ नेता झलनाथ खनालले कम्युनिष्ट एकता हुनुको विकल्प नभएको बताए ।
त्यसैगरी एमाले उपाध्यक्ष बामदेव गौतमले पनि आफुले सुरु देखिनै नेकपा एमाले र माओवादीबीच एकता हुनुपर्छ भन्दै आएको उल्लेख गर्दे दुईपार्टीबीचको एकतापछि अन्य कम्युनिष्टलाई पनि एकता गर्नुपर्ने बताए ।
युग पुरुष कार्लमाक्र्सको जन्मको भोलि सनिबार २ सय बर्ष पुग्दैछ । त्यसै अवसरमा एमाले ,माओवादी केन्द्र, नेकपा मसाल र जनमोर्चा नेपाल ले शुक्रबार संयुक्त रुपमा कार्लमाक्र्सको जन्म द्धिशतवार्षिकी कार्यक्रम गरेका हुन् ।
प्रकाशित मिति: २१ बैशाख २०७५, शुक्रबार १५:२०
