काठमाडौं, ८ साउन । प्रहरी महानिरीक्षक प्रकाशअर्यालले समाजमा अपराध रोकथाम, नियन्त्रण गरी आम नागरिकको नैसर्गिक हक अधिकारलाई सुनिश्चित गरी अपराध मुक्त समाज निर्माण गर्ने कार्यमा नेपाल प्रहरी सदैव क्रियाशिल रहेको बताएका छन् । उनले प्रहरीलाई नागरिक मैत्री बनाउन वि.स. २०३९ सालबाट छिमेकी प्रहरी हुँदै २०५२ सालमा सामुदायिक प्रहरीको स्थापना भएको बताए ।
महानगरीय प्रहरी कार्यालय रानीपोखरी र उपत्यका सामुदायिक सेवा समन्वय परिषद्को आयोजनामा अपराध न्यूनिकरणको लागि स्थानीय तह, सामुदायिक सेवा केन्द्र र सामुदायिक प्रहरी सेवाको भुमिका विषयक अन्तरक्रियाू कार्यक्रम प्रहरी महानिरीक्षक अर्यालले पहरीको पुरानो र सर्वस्वीकार्य सिद्धान्त अनुसार प्रहरी र जनता वा जनता र प्रहरी दुई एक सिक्काका दुई पाटा रहेको बताए ।
प्रहरी महानिरीक्षक अयालले निर्वाचन जनप्रतिनिधि नहुँदा प्रहरीले सामान्य हुन सक्ने विवादका घट्नामा पनि प्रहरीले समय खर्चनु परेको र निर्वाचित जनप्रतिनिधिहरूले पदभार ग्रहण गरिसकेपछि प्रहरीले नै हेर्ने कार्य भन्दा बाहेकका सामान्य विवादहरू घट्ने बताए ।
कार्यक्रममा महानगरीय प्रहरी कार्यालयका प्रमुख निमित्त प्रहरी आयुक्त बम बहादुर भण्डारीले समाजमा शान्ति सुरक्षा प्रहरीको एक्लो प्रयासले सम्भव नहुने हुँदा समुदायसँगको सहकार्यमा शान्ति स्थापना गर्नको लागि सामुदायिक प्रहरीको स्थापना भएको बताए ।
उनले विगतका दिनहरूमा भन्दा हाल प्रहरीको आचरण व्यवहारमा परिवर्तन, शून्य सहनशीलता, गुण्डागर्दी नियन्त्रण गर्न समाजकै सहयोगले सम्भव भएको बताउँदै सामुदायिक कार्यक्रमलाई बढाउँदै लैजान स्थानीय निकायका निर्वाचित जनप्रतिनिधिको विशेष भुमिका रहने बताए । कार्यक्रममा अपराध बढी हुने ठाउँमा सिसि टिभि लगायतका प्रविधिहरूको विकास र विस्तार गर्ने महानगरीय प्रहरीको लक्ष्य अनुरूप उपत्यकाको ३०० भन्दा बढि स्थानमा सिसि टिभि जडान गरिएको र १०० भन्दा बढि स्थानमा जडान कार्य भैरहेको उनले जानकारी गराए ।
कार्यक्रम काठमाडौं महानगरपालिकाका मेयर विद्या सुन्दर शाक्यले नेपाल प्रहरी, ट्राफिक प्रहरी र सामुदायिक सेवा केन्द्रसँग समन्वय र सहकार्य गरी आवश्यक व्यवस्था गर्ने सम्बन्धमा महानगरपालिकाले नीतिगत रूपमा कार्यक्रम राखेको जानकारी दिंदै सामुदायिक सेवा केन्द्रहरूसँग विभिन्न किसिमका अभिमुखिकरण कार्यक्रम संचालन गर्न आवश्यक व्यवस्था गरिने बताए । उनले सामुदायिक सेवा केन्द्रहरूले संचालन गरेका कार्यक्रमहरूमा सहयोग गर्ने बताए।
ललितपुर महानगरपालिकाका मेयर चिरिबाबु महर्जनले सामुदायिक प्रहरीलाई निरन्तता मात्र नभएर व्यवस्थित गर्नु पर्ने आवश्यकता रहेको बताउबताए । उनले ललितपुर जिल्लामा रहेको २ वटा सामुदायिक सेवा केन्द्रहरुलाई आफ्नो कार्यकाल भित्रमा महानगरको सबै वडामा स्थापना गर्ने बताए ।
कार्यक्रममा महानगरीय ट्राफिक प्रहरी महाशाखा प्रमुख प्रहरी नायब महानिरीक्षक मिङमार लामा, सहआयुक्तहरू, उपत्यका स्थित प्रहरी कार्यालयका प्रमुखहरू, सिनियर प्रहरी अधिकृतहरू, महानगरपालिका तथा नगरपालिकाका वडा अध्यक्षहरू, सामुदायिक प्रहरी सेवा केन्द्रका इन्चार्जहरू उपस्थित भएको कार्यक्रमा नगरपालिकाका मेयर , उपमेयर, सामुदायिक सेवा केन्द्रका प्रतिनिधिहरू आआफ्नो विचार व्यक्त गरेका थिए ।
प्रकाशित मिति: ८ श्रावण २०७४, आईतवार ०८:३८
