जुम्ला, १४ माघ । जुम्लामा शुक्रबार तेस्रो पटक विहानै देखि हिमपात भएको छ । यस वर्ष पुसको अन्तिम साताको आइतवार पहिलो पटक हिउ परेको थियो भने माघको पहिलो साताको आइतवार दोस्रो पटक र शुक्रवार विहानै देखि तेस्रो पटक हिमपावत भएको हो ।
गत वर्ष तिर मंसिरको दोस्रो हप्तामा हिमपात हुने गरेको थियो भने यस वर्ष पुसको अन्तिम साता र माघको पहिलो साता हिउ परेपछि किसानहरु खुसी भएका छन् ।
गत भदौ देखि पानी र हिउ नपर्दा हिउँदे र लेकाली वाली सवै सुक्ने अवस्थामा पुगिसकेको थियो । हिउ परेपछि किसाहरुलाई फाइदा पुग्ने जिल्ला कृषि विकास कार्यालयले जनाएको छ ।
शुक्रबार विहान देखि लगातार हिउ परेको हावापानी फिल्ड कार्यालय जुम्लाले जनाएको छ । सदरमुकाम खलंगामा ५ इन्च हिउ परेपनि माथिल्ला भेगमा एक फिट सम्म हिउ जमेको हावापानी फिल्ड कार्यालयका प्रमुख एपि चौरसियाले वताए । उनले भने–गत शनिबार माइनस ९ डिग्रि सेल्सियस चिसो भइ यो वर्षकै चिसो दिन थियो ।
यस पटक पानी सहितको हिउ परेकाले हिउदे वाली जौ, गहु, मकै, आलु लगायतका वाली र स्याउ, ओखर लगायतका फलफूललाई राम्रो गर्ने जिल्ला कृषि विकास कार्यालयका वरिष्ठ कृषि विकास अधिकृत भरत प्रसाद कंडेलले बताए ।
हिउँदको समयमा सिंचाइको अभाव हुने भएकोले जुम्ला सहितका हिमाली जिल्लामा हिउले सिंचाइको काम गर्छ ।
प्रकाशित मिति: १४ माघ २०७३, शुक्रबार १६:०९
