कठमाडाैं १ माघ । अभिभावक सहकारी समाज लिमिटेड (असलि) नक्सालले यस वर्ष थप तीन जनालाई निवृत्तभरण वितरण, ११ जनालाई वरिष्ठ अभिभावक सम्मान, एक एक सेयरपुँजी र बचतकर्ता एवम् ११ विद्यार्थीलाई छात्रवृत्तिसहित सम्मान गरेको छ ।
संस्थाको १९ औँ वार्षिक साधारणसभा तथा वार्षिकोत्सव एक हजार पाँच सय ४८ सदस्यको उपस्थितिमा अध्यक्ष वीरेन्द्रमान श्रेष्ठको सभापतित्वमा भएको थियो ।
संस्थाका ८३ वर्षीय वरिष्ठ सदस्य कान्छी मगरले उद्घाटन गरेको उक्त सभामा सञ्चालक समितिका तर्फबाट सञ्चालक युवराज राजकर्णिकार आव ०७२/७३ को वार्षिक प्रतिवेदन र पछि कोषाध्यक्ष शुक्रलाल श्रेष्ठबाट आव ०७३/७४ का लागि रु रु ७० लाख ७६ हजारको बजेट पारित भयो ।
उक्त अवसरमा अति गरिब एवम् निम्न आय भएका नन्दी दिवा तथा नन्दीरात्रि माविका विद्यार्थीलाई छात्रवृत्ति प्रदान गर्न दाताद्वय अमृतनाथ रेग्मीले रु ५० हजार र बद्रीमान श्रेष्ठले रु दुई लाखको चेक उत्तरा–बद्री कोषमा प्रदान गरेका थिए ।
त्यसैगरी सामुदायिक विद्यालयअन्तर्गत सञ्चालन भइरहेको राजधानीकै कमल पोखरी अवस्थित कमल प्राविलाई उपलब्ध गराइएको आर्थिक सहयोग रु १० हजार विद्यालयका अध्यक्ष राजेन्द्र सिंहलाई संस्थाका तर्फबाट हस्तान्तरण गरिएको थियो ।
रासस
