सुर्खेत, १ माघ । वीरेन्द्रनगर नगरपालिकाले आगामी वर्षका लागि ३० करोड बजेट प्रस्ताव गरेको छ । शुक्रवार नगरपरिषदबाट पारित बजेट, नीति योजना तथा कार्यक्रमहरु सार्वजनिक गर्दै ३० करोड १३ लाख २७ हजार रुपैयाँको बजेट प्रस्ताव गरेको हो ।
नगर परिषदको उद्घाटन गर्दै सहकारी तथा गरिवी निवारण मन्त्री हृदयराम थानीले नीति तथा कार्यक्रम घोषणा मात्र नभई यसको कार्यान्वयन हुनुपर्नेमा जोड दिनु पर्ने बताए ।
नगरपालिकाले आन्तरिक स्रोततर्फ ३ करोड ७१ हजार ८० हजार, राजश्व बाँडफाँडतर्फ १ करोड ८६ लाख, सशर्त अनुदान आय १ करोड ७७ लाख, ५३ हजार, निशर्त पूँजीगततर्फ ६ करोड २२ लाख १९ हजार, सशस्त्र पूँजीगततर्फ ४ करोड ५५ लाख ७५ हजार, सामाजिक सुरक्षातर्फ १२ करोड गरी कूल ३० करोड १३ लाख २७ हजार बजेट प्रस्ताव गरेको छ ।
यसैगरी नगरपालिकाले सो आवमा सहरी स्वास्थ्य क्लिनिक कार्यक्रम, स्थानीय शान्ति समिति, कार्यालय सञ्चालन लगायतमा गरी ५ करोड ४९ लाख ३३ हजार खर्च हुने जनाएको छ । यस्तै नगरस्तरीय र वडागत पूर्वाधार विकासमा २ करोड ९३ लाख ५० हजार, लक्षित वर्गका लागि २ करोड ४७ लाख ५१ हजार, सफा सुन्दर नगर विकास कार्यक्रमका लागि ८० लाख, प्रवद्र्धनात्मक कार्यक्रमका लागि ३५ लाख, विपद व्यवस्थापनका लागि १२ लाख, उज्यालो नगर कार्यक्रमका लागि १२ लाख, नगरस्तरीय सिसी क्यामरा जडानका लागि ७ लाख बजेट विनियोजन गरिएको छ । चालु आवमै दमकल खरिदका लागि ६० लाख बजेट छुट्याइएको जनाएको छ ।
नगरपालिकाले नगरलाई आर्थिक रुपले सम्पन्न, भौतिक रुपले सहरी सुविधायुक्त, राजनीतिक रुपले समावेशी÷सहभागितात्मक, वातावरणीय रुपले स्वच्छ, सफा र व्यवस्थापकीय रुपले सुव्यवस्थित नगर बनाइ शैक्षिक, प्रशासकीय, पर्यटकीय केन्द्रको रुपमा विकास गरी संघीय राज्यको राजधानी बनाउने लक्ष्य लिएको छ ।
परिषदले प्रदेश नं. ६ को राजधानी वीरेन्द्रनगर नै हुनुपर्ने, आगामी आर्थिक वर्षलाई सडक मर्मत वर्षको रुपमा घोषणा गर्दै बजार क्षेत्रका सडकहरु मर्मतमा उच्च प्राथमिकता दिने, २०७१ सालको बाढीपीडितहरुको पुनस्र्थापनाको व्यवस्थापनका लागि माग गर्ने, भू–खण्डीकरणलाई निरुत्साहित गर्ने विशेष निर्णय गरेको छ ।
यसैगरी वीरेन्द्रनगरको विस्तारित क्षेत्रलार्य समेत समावेश गरी गुरुयोजना निर्माणको माग गर्ने, सडकले नछोएका वडाहरुमा सहज सडकको पहुँचको व्यवस्थापन गर्ने, चालु आवभित्रै ल्याण्डफिल साइटमा फोहर विसर्जनको व्यवस्थापन गर्ने, आगामी आवदेखि सिटी बसपार्क सञ्चालनमा ल्याउने, अर्धवार्षिक विशेष सरसफाई अभियान एवं जाम खोल्ने अभियान चलाउने, रत्न राजमार्गसँग जोडिएका एवं लाटिकोइली, जर्बुटा, उत्तरगंगा लगायतका क वर्गका सडक तथा वीरेन्द्रनगरका अन्य महत्वपूर्ण सडकहरुको सुधार एवं स्तरवृद्धिमा नगरस्तरीय पूर्वाधार योजना केन्द्रीत गर्ने, बालमैत्री, वातावरणमैत्री, नगर निर्माणका लागि विभिन्न कार्यक्रमहरु गर्ने, उपत्यका रिङरोड तत्काल ३० मिटरको प्रस्ता गर्दै ५० मिटरको कायम गर्न मुआव्जाका लागि सरकासँग अनुरोध गर्ने निर्णयपनि परिषदले गरेको छ ।
त्यस्तै बालबालिकाको खोप र प्रसुति सेवालाई व्यवस्थित गराउन क्षेत्रीय अस्पताल लगायत स्वास्थ्य केन्द्रहरुलाई बजेट व्यवस्थापन गरिएको, विद्यालयहरु बालमैत्री, शैक्षिक सामग्री, खेलकुद तथा ज्ञानकला कार्यक्रमका लागि बजेट छुट्याइएको छभने अधुरा सामुदायिक भवनहरुलाई संचालनमा ल्याउन पनि बजेट दिइएको छ ।
नगरपालिकालाई समयानुकूल सामाजिक, आर्थिक, भौतिक पूर्वाधारको विकास र विस्तार गर्दै समुन्नत, आधुनिक र न्यायपूर्ण रुपमा विकास गर्न आवश्यक रहेको नगरपालिकाका कार्यकारी अधिकृत विमल आचार्यले जनाए । बढ्दो सहरीकरणसँग विस्तारित नगर क्षेत्र लाटिकोइली, उत्तरगंगा, जर्बुटा क्षेत्रका उपत्यकाभित्रका खेतीयोग्य जमीनहरुको खण्डिकरण र अनियन्त्रित एवं अव्यवस्थित बसाई, मापदण्ड पूरा नगरी निर्माण गरिएको संरचनाहरुजस्ता विकृतिलाई घटाएर नगरलाई योजनाबद्ध र सुव्यवस्थित बनाउन लागिएको उनको भनाइ छ ।
प्रकाशित मिति: १ माघ २०७३, शनिबार ०८:३६
