काठमाडौ २१ पुस । त्रिभुवन विश्वविद्यालयमा झण्डै एक दशकदेखि हुन नसकेको स्वतन्त्र विद्यार्थी युनियन (स्ववियु) चुनाव २८ वर्षे उमेर हदबन्दी लगाएर हुने भएको छ ।
उमेर हदबन्दी बारेमा विद्यार्थी संगठनहरुबीचमा बिबादित बनेको स्ववियुमा उमेर हदबन्दी तोक्ने निर्णय भएको हो । त्रिवि सभाको निर्णयलाई दुई ठुला संगठनले स्वागत गरेका छन् भने नेविसंघको मिश्रित प्रतिक्रिया रहेको छ । त्रिवि सभाले यसअघि नै १४ फागुनमा स्ववियु चुनाव गर्ने घोषणा गरेको थियो ।
नेविसंघका अध्यक्ष नैनसिंह महरले आफुहरु स्ववियु चुनाव जसरी पनि गराउनुपर्छ भन्ने पक्षमा रहेको बताए । २८ वर्षे उमेर हदबन्दीका विषयमा भने नेविसंघले ठोस धारणा बनाएको छैन । ‘नेविसंघ, अनेरास्ववियुमा लामो समयसम्म बिताएका धेरै साथीहरु रहेका छन, उनीहरुको भविश्यलाई पनि ख्याल गरेर एक पटकका लागि उमेर नतोकेको भए राम्रो हुन्थ्यो,’ अध्यक्ष महरले भने, ‘ उमेरको विषयमा साथीहरुसंग छलफल गरेर ठोस धारणा बनाउ“छौ, चुनाव जसरी पनि गराउनुपर्छ ।’ अनेरास्ववियुका सचिव आरसि लामिछानेले त्रिविको निर्णय स्वागत योग्य भएको बताए ।
सचिव लामिछानेले भने, ‘अब हाम्रो सबै ध्यान चुनावमा लगाउँछौं । चुनावको विकल्प छैन ।’ अनेरास्ववियु क्रान्तिकारीले समेत त्रिवि सभाले गरेको निर्णयलाई स्वागत गरेको छ ।
नेकपा माओवादी केन्द्र निकट अनेरास्ववियु क्रान्तिकारीका अध्यक्ष नरेन्द्र न्यौपानेले २८ वर्षे उमेर हदबन्दी लागु गर्नु सकरात्मक भएको बताए । २८ वर्षे हदबन्दीले पढिरहेको विद्यार्थी नेतृत्वमा आउने र यसले सबैलाई राम्रो हुने बताए । उनले अब संगठन चुनावमा कटिबद्ध भएर लाग्ने बताए । नयाँ पत्रिका दैनिकमा खबर छ ।
प्रकाशित मिति: २१ पुष २०७३, बिहीबार ०७:३३
