चितवन, ६ पुस । चितवनमा भएको नेपाल आदिवासी जनजाति महासंघको नवौं राष्ट्रिय महाधिवेशनबाट जगतबहादुर बरामको नेतृत्वमा नयाँ कार्यसमिति बनाइएको छ । बरामले नेकपा एमालेका तर्फबाट उम्मेदवार सूर्य भुजेललाई ८ मतले पछि पार्दै बराम विजयी भएका हुन् । बराम कांग्रेस, माओवादी केन्द्रलगायत दलका तर्फबाट उम्मेदवार बनेका हुन् ।
उपाध्यक्षमा पनि संयुक्त प्यानलकै उम्मेद्वारहरू विजयी भएका छन् । १ मत बदर भएको महासंघको निर्वाचनमा एमाले सबै सिटमा पराजित भएको छ ।
उपाध्यक्षहरुमा माअाेवादीका गणेशलाल थकाली, किरण सुनार, गोविन्द छन्त्याल, नवीन रोकामगर, लोकबहादुर दुरा, श्यामप्रसाद मण्डल, सोनाम लामा वालुङ र कुष्णकुमारी शेरचन विजयी भए भने महासचिवमा नित्यानन्द ताजपुरिया र कोषाध्यक्षमा मुकुन्दबहादुर पहारी विजयी भएका छन् ।
एमालेविरुद्ध कांग्रेस, माओवादी केन्द्र, संघीय समाजवादी फोरम, नयाँ शक्ति र राप्रपाको गठबन्धन थियो । महाधिवेशनले १३ सदस्यीय सचिवालय बढाएर २१ सदस्यीय बनाएको छ ।
नामावली हेर्नुहोस् ।
प्रकाशित मिति: ६ पुष २०७३, बुधबार ११:४९
