मुस्ताङ, ४ पुस । उपल्लो मुस्ताङमा बेमौसममै बाढी आएको छ । बाढीका कारण जोमसोम–लोमाङथाङ सडक अवरुद्ध भएको छ ।
बाढीले त्यहाँ रहेका केही काठे पुलसमेत बगाएको छ । मुस्ताङका प्रमुख जिल्ला अधिकारी भीमप्रसाद पोखरेलका अनुसार घमी गाविसका ढाकर क्षेत्रमा बाढी आएको हो । यस क्षेत्रमा अत्यधिक चिसो बढेकाले उपल्लोव मुस्ताङका बासिन्दा चिसो छल्न म्याग्दी, पोखरालगायत क्षेत्रमा सरिसकेका छन् ।
त्यस क्षेत्रको अवस्थाबारे बुझ्न प्रहरी परिचालन गरिसकेको जिल्ला प्रशासन कार्यालयले जनाएको छ ।
प्रकाशित मिति: ४ पुष २०७३, सोमबार १०:२१
