काठमाडौं, २ पुस । शनिबार राजधानी स्थित अभिछिन्न बचत तथा ऋण सहकारी र पावसा बचत तथा ऋण सहकारीको वार्षिक साधारण सभामा सहकारी तथा गरिबी निवारण मन्त्री हृदयराम थानी सहभागि भए । मन्त्री सहभागि भएका यी दुवै सहकारीका साधारण सभामा सहकारीका सदस्यहरुले उत्साही हुँदै सहभागिता जनाए ।
साधारण सभामा सहभागि विभागीय मन्त्रीले नै सहकारीका लागि सरकारले ल्याउन लागेको सहकारी ऐन लोकतान्त्रिक र सहकारी मैत्री हुने प्रतिवद्धता जनाएपछि साधारण सभामा सहभागि सहकारीका सदस्य तथा सभामा सहभागि सहकारीकर्मीहरुले मन्त्रीको प्रतिवद्धतालाई साथ दिंदै तालिले स्वागत समेत गरेका थिए ।
सहकारी तथा गरिबी निवारण मन्त्री हृदयराम थानीले सहकारीलाई बचत तथा ऋणमा मात्र सिमित नगरी उत्पादनसँग जोड्दै गरिबी निवारणमा सहयोग पुर्याउन आग्रह गरे । उनले सहकारीको प्रभावकारी नियमन गरी गरिबी जनताले गास काटेर जम्मा गरेको बचतलाई दुरुपयोग हुन नदिन नै सहकारी ऐन आवश्यक भएको बताए ।
प्रकाशित मिति: २ पुष २०७३, शनिबार १३:५०
