fast-tryakनिजगढको अन्तर्राष्ट्रिय विमानस्थल निर्माण र तराईको विकासका लागि महŒवपूर्ण योजनाका रूपमा मानिएको यो आयोजना निर्माणमा जति ढिलाइ भयो त्यति नै नेपालको विकासमा धक्का लाग्ने विचार विज्ञहरूको छ ।

भौतिक पूर्वाधार निर्माण मन्त्रालयका पूर्वसचिव एवम् वरिष्ठ इन्जिनियर तुलसीप्रसाद सिटौलाका भनाइमा नेपालको पूर्वाधार विकासमा नयाँ प्रविधिको प्रयोग गरिने यो आयोजना मेलम्ची खानेपानीजस्तै कुरा बढी तर काम थोरै भएकाले यसले नेपालको समग्र विकासलाई नै प्रभाव पारिरहेको छ ।

उहाँले भन्नुभयो, नेपाल आफैँले बनाउने भन्ने निर्णय भएपछि कुन मोडलमा निर्माण गर्ने हो, त्यसको पनि निर्णयमा ढिलाइ गर्नुहुन्न ।

अर्का पूर्वाधार विज्ञ एवम् वरिष्ठ इन्जिनियर डा। सूर्य आचार्य पनि यस आयोजनामा हुने ढिलाइले नेपालको भौतिक पूर्वाधार निर्माणको अभियानमा ठूलो प्रभाव पार्ने भएकाले यसलाई तत्काल अगाडि बढाउनुपर्ने धारणा राख्नुहुन्छ । चालु आर्थिक वर्षको विनियोजित बजेटमा १० अर्ब रुपियाँ मात्र छुट्याइएको छ ।

स्वतन्त्र विज्ञहरूले गरेको केही अध्ययनले फास्ट ट्र्याकलाई चार लेनमा निर्माण गरी आधुनिक सुविधासम्पन्न प्रविधियुक्त र एसियाकै नमुना राजमार्गका रूपमा बनाउने हो भने कम्तीमा ८० अर्ब रुपियाँ लाग्ने अनुमान गरिएको छ । आजको गोरखापत्रमा खबर छ ।