दाङ, २१ असोज । मुक्त कमलरी विकास मञ्चले मुक्त कमलरीको शिक्षाका लागि दिँदै आएको छात्रवृत्ति रकम बढाउन माग गरेको छ । सरकारले दिँदै आएको छात्रवृत्तिले पढाइ सञ्चालन गर्न अप्ठेरो भएको भन्दै रकम बढाउन माग गरेको हो ।
मञ्चले बिहीबार दाङको घोराहीमा पत्रकारसम्मेलन गर्दै आर्थिक अभावकै कारण बितेको शैक्षिकसत्रमा पाँचसय छजना छात्राले विद्यालय छाडेको भन्दै मञ्चले छात्रवृत्ति रकम बढाउन माग गरेको हो । आर्थिक अभावकै कारणले सुरुवातीमा करिब सात हजार बालिका विद्यालय भर्ना भए पनि अहिले आधाले पढाइ छोडेको मञ्चका अध्यक्ष सुनिता चौधरीले बताए ।
दाङ, बाँके, बर्दिया, कैलाली र कञ्चनपुरमा कक्षा ३ मा ११, कक्षा ४ मा ३२, कक्षा ५ मा ९५, कक्षा ६ मा दुई सय सात र कक्षा ७ मा दुई सय २६ बालिकाले पढ्दै गरेको मञ्चले जनाएको छ ।
यस्तै, मञ्चका अनुसार कक्षा ८ मा पाँच सय ११, कक्षा ९ मा पाँच सय ३९, कक्षा १० मा सात सय १०, प्लस टूमा चार सय ६३, स्नातकमा एक सय २८ र स्नातकोत्तरमा दुई गरी जम्मा तीन हजार चार सय ९७ जना मुक्त कमलरी बालिकाले पढ्दै गरेका छन् ।
सरकारले मुक्त कमलरी छात्राका लागि १ देखि ८ कक्षासम्म रु एक हजार पाँच सय दिँदै आएकोमा बढाएर चार हजार पु¥याउनुपर्ने मञ्चले माग गरेको छ ।
त्यसैगरी, कक्षा ९ र १० मा एक हजार आठसय रुपैयाँ दिँदै आएकामा रु सात हजार रुपैयाँ पु¥याउनुपर्ने, ११ र १२ कक्षामा दिँदै आएको रु पाँच हजारलाई बढाएर रु १३ हजार रुपैयाँ पु¥याउनुपर्ने माग गरेको छ । त्यस्तै, कक्षा १२ देखि माथि १० हजार रुपैयाँ दिँदै आएकोमा अब बढाएर रु २० हजार रुपैयाँ पु¥याउनुपर्ने माग आफूहरुको रहेको अध्यक्ष चौधरीले बताए ।
दाङसहितका विभिन्न जिल्लामा छवटा आवासीय व्यवस्था गरी चारसय घरबार र अभिभावकविहीन बालिकालाई राखेर पढाउने व्यवस्था गरिएको मञ्चले जनाएको छ ।
रासस
