मकवानपुर, १० असोज । सहरी विकास मन्त्री एवं काँग्रेस केन्द्रीय सदस्य अर्जुन नरसिंह केसीले संविधानको पूर्ण कार्यान्वयनका लागि दलहरु बिच सहमति र सहकार्यको विकल्प नरहेको बताएका छन् । उनले संविधान कार्यान्वयन नहुँदाको दुरगामि प्रभाव विश्लेशन गरेर सबै दल एकै ठाउँमा उभिनुपर्नेमा जोड दिएका छन् ।
सोमबार मकवानपुरको थाहा नगरपालिकामा काँग्रेसको नगर इकाईले आयोजना गरेको शुभकामना आदान-प्रदान एवं कार्यकर्ता भेटघाट कार्यक्रममा मन्त्री केसीले संविधानका केही पक्षमा भएका असहमतहरुलाई समेत संवैधानिक प्रक्रियाद्वारानै सहमतिमा ल्याइ संविधानको पूर्ण कार्यान्वयन मार्फत मुलुकमा राजनीतिक स्थिरता कायम गर्न सरकार प्रतिबद्ध रहेको स्पस्ट पारे ।
कार्यक्रममा काँग्रेस नेता केसीले संविधानको पूर्ण कार्यान्वयनका लागि सम्पूर्ण रुपमा क्रियाशील रहन पार्टी पंक्तिलाई निर्देशन समेत दिए । पार्टी सामु इतिहासले सुम्पेको जिम्मेवारी पूरा गर्नुपर्ने दायित्व रहेकाले एकताबद्ध रुपमा पार्टीको लक्ष्य पूरा गर्न कार्यकर्ताहरुको इमान्दारीतापूर्ण समर्पण आवश्यक रहेको समेत नेता केसीको भनाइ थियो ।
कार्यक्रममा मन्त्री केसीले थाहा नगरपालिकाको पर्यटकिय महत्वलाई दृश्टिगत गर्दै यसलाई नया नगर विकास योजनामा समेटेर विकास गरिने समेत बताए ।
कार्यक्रममा काँग्रेस केन्द्रीय सदस्य बद्री पाण्डेले ओली सरकारले संविधान कार्यान्वयनमा इमानदारीता नदेखाएकाले बिस्थापित गर्नुपरेको बताउदै चाँडो संक्रमणकालको अन्त्यका लागि निर्धारित समयमै निर्बाचनहरु सम्पन्न गर्नुको बिकल्प नरहेको बताए ।
कार्यक्रममा नेपाली काँग्रेस नुवाकोटका सभापति एव सांसद जगदिश्वोरनरसिंह केसी, मकवानपुर काँग्रेस सभापति एवं साँसद इन्द्र वानियाँ, मकवानपुरका निवर्तमान काँग्रेस सभापति रघुरमण नेउपाने, महासमिति सदस्यहरु जयराम लामिछाने, उमा दहाल, भरत लामा, क्षेत्रीय सभापति यतिराज सापकोटा, थाहा नगर विकास अध्यक्ष खड्ग गोपाली, महिला संघ अध्यक्ष लक्ष्मी श्रेष्ठ, तरुण दल अध्यक्ष इश्वर श्रेष्ठ, थाहा नगर सभापति योगेन्द्रमान श्रेष्ठ लगायतले समसामयिक राजनितिक अवस्था, सांगठनिक सुदृढीकरण लगायतका विषयमा धारणाहरु राखेका थिए ।
प्रकाशित मिति: १० आश्विन २०७३, सोमबार १८:२७
