काठमाडौं, नेपाली कांग्रेसको १३ औं महाधिवेशनमा देखिएका पार्टीका दुई समुहका बीचमा महिला संघको महाधिवेशनमा प्रतिस्पर्धा हुने देखिएको छ । सभापति शेरबहादुर देउवा र नेता रामचन्द्र पौडेल पक्षबीच प्रतिस्पर्धा हुने देखिएको छ ।
पूर्वमहामन्त्री कृष्णप्रसाद सिटौला पक्ष सभापति देउवा पक्षसँग सहकार्यको सम्भावना नभए नेतृत्वका लागि छुट्टै उम्मेदवार खडा गर्ने रणनीतिमा जुटेको । सवै पक्ष महिला संघको नेतृत्व आफ्नो पक्षमा बनाउनका लागि आन्तरिक तयारीमा जुटेका छन् ।
दिनहुँ जस्तो आन्तरिक भेला र छलफलमा जुटेका छन् । पार्टीले बर्तमान केन्द्रीय समितिलाई उमेदवार बन्न नपाउने व्यवस्था भएपनि केन्द्रीय समितिमा रहेका आधा दर्जन सक्रिय संघको नेतृत्व लिन पार्टी अगाडि आएका छन्् । पौडेल पक्षले २७ गते जिल्ला अध्यक्षहरुको भेला राखेको छ । त्यस्तै, सभापति देउवा र नेता सिटौला पक्षले पनि संघको नेतृत्व आफ्नो पक्षमा पार्न निरन्तर भेला र बैठकहरुलाई जारी राखेका छन् ।
कांग्रेस बरिष्ठ नेता रामचन्द्र पौडेल पक्षले महिला संघका लागि उम्मेदवार तय गरिसकेको छ । नेपाली कांग्रेसको पुर्व केन्द्रीय सदस्य मीना पाण्डेलाई रामचन्द्र पौडेल पक्षबाट उमेदवार बन्ने करिब करिब टुंगो लागेको छ । २०३५ सालमा नेपाली कांग्रेसको भातृ संगठन नेपाल विद्यार्थी संघबाट राजनीति यात्रा सुरु गरेकी पाण्डे अहिले समानुपातिक तर्फबाट सांसद पाण्डेलाई उमेदवार बनाउने तय भइसकेको बताइएको छ । पाण्डे जनमत संग्रह पछि उनी एक वर्ष जेल परेकी त्यागी नेतृको रुपमा लिइने गरिन्छ ।
प्रजातन्त्र पुनस्थापना पछि भएका २०४८ र २०५१ सालको संसदीय निर्वाचनमा प्रतिनीधि सभा सदस्यमा सर्लाहीबाट विजयी बनेकी पाण्डे नेपाली कांग्रेस बिभाजनका बेलामा महिला संघको अध्यक्ष प्रजातान्त्रीक कांग्रेसमा गएपछि महिला संघको अध्यक्ष बनेकी थिइन् । यसैगरि पौडेल पक्षबाट महासचिवमा गोमा केसी, इन्दिरा तिवारी मध्ये एक जनालाई उमेदवार गर्ने तय भएको छ ।
उता सभापति शेरबहादुर देउवा पक्ष भने उमेदवार तय गर्न सकेको छैन् । सभापति देउवा पक्षबाट धना खतिवडा, मञ्जु खाँण, जानकी सिंहसहितका नेत्री आकांक्षी छन् । खतिवडा, खाँण, सिंह देउवानिकट हुन । देउवा पक्षले पार्टी पूर्व कोषाध्यक्ष चित्रलेखा यादवलाई संघको नेतृत्वका लागि आग्रह गरेपनि उनले अस्वीकार गरेको निकट स्रोतले जनाएको छ ।
यसका साथै देउवा पक्षमा डिना उपाध्याय, इश्वरी न्यौपानेले पनि महिला संघको अध्यक्ष बन्ने चाहना राखेपछि सभापति देउवा अलमलमा परेका छन् । सभापति देउवा जानकी सिंहलाई महिला संघको उमेदवार बनाउने सोचमा रहेको बताइएको छ ।
प्रकाशित मिति: २५ भाद्र २०७३, शनिबार ०९:५०
