शनिबार, कार्तिक ८, २०७७

पुल नहुँदा आवतजावतमा लाप्कोकै भर

२१ श्रावण २०७७, बुधबार २०:०२
विनाेदकुमार मल्ल
20 Shares

मुगु । सदरमुकाम गमगढी नजिकै रहको एक खोलामा पुल नहुँदा काठको लाप्कोेबाट आवतजावत गरिरहनु परेको स्थानीय बासिन्दाले बताएका छन् । छायाँनाथ रारा नगरपालिका वडा नं १ अल्का साघुँमा पुल नहुँदा स्थानीयले एक वर्ष देखि काठको लाप्कोको भरमा जोखिम पूर्ण यात्रा गरिरहेको बताएका हुन् ।

गमगढी नाक्चे लाग्ना सडक अन्तर्गत पर्ने छायाँनाथ रारा नगरपालिकाको वडा नं १ अल्का साँघुमा काठे पुल बगाएको एक वर्ष बित्दा पनि पुल नहुँदा सानो काठको लाप्कोमा जोखिम पूर्ण यात्रा गर्नु परिरहेको आवतजावत गर्ने नागरिकले गुनासो गर्दै आएका छन् ।

गत वर्ष साउन ३२ गते परेको अविरल वर्षाका कारण गमगाढ खोलामा आएको बाढीले अल्का साघुँ लगायत गमगाढ खोलाका बिभिन्न स्थानका १ दर्जन भन्दा बढी काठेपुल पुल बाढीले बगाएको थियो ।

पुल नहुँदा तिर्थ जाने तिर्थालू, मुगुम् कार्मारोङ गाउँपालिकाका स्थानीय र नगरपालिकाको वडा नं १०, ११, १२ का लुम्स, तिर्प, लह, लापु, चिमात, सोभा, सालिम, तलिलेक, चराप गाँडापानी लगायत दर्जनौ गाउँका नागरिक प्रत्यक्षरुपमा प्रभावित भएका छन् । उनीहरुलार्ई सदरमुकाम गमगढी सम्म आवतजावत गर्न समस्या भएको छ भने पुल नहुँदा मान्छेसँगै गाईवस्तु वारपार गर्न समस्या भएकोे छायाँनाथ रारा नगरपालिका वडा नं १० तलिलेकका अंक बहादुर बुढाले बताउनु भयो ।

पुल बगाएपछि आवतजावतमा समस्या हुँदा समेत सम्बन्धित सरोकारवाला निकायले चासो नदिएको स्थानीयले गुनासो गरेका छन् ।

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
20 Shares
Tweet
Pin
Share