बुधबार, साउन १३, २०७८

कोरोनाभाइरसको महामारी चुनौतीसँगै अवसर पनि हो : गान्धी

६ बैशाख २०७७, शनिबार १६:२२

नयाँदिल्ली । भारतको प्रमुख प्रतिपक्षी दल भारतीय राष्ट्रिय काँग्रेसका नेता राहुल गान्धीले कोरोनाभाइरसको महामारीले चुनौतीसँगै अवसरहरु पनि ल्याएको बताउनु भएको छ ।
“कोरोनाभाइरसले धेरै चुनौतीहरु ल्याएको छ भने एउटा राम्रो अवसर पनि ल्याएको छ,” उहाँले भन्नुभयो ।

उहाँले अहिलेको सङ्कटलाई सही तरिकाले व्यवस्थापन गर्नका लागि सयौँ भारतीय बैज्ञानिक, इन्जिनियर र तथ्याङ्कविद्लाई परिचालन गर्नु पर्नेमा जोड दिनुभएको छ ।
सामाजिक सञ्जाल ट्वीटरमार्फत् काँग्रेस नेता गान्धीले विज्ञहरुबाट रचनात्मक र नौलो उपायहरु लिएर लागु गर्नु अत्यावश्यक भएको उल्लेख गर्नुभएको छ ।

भारतमा कोरोनाभाइरसका कारण शनिबारसम्ममा कुल १४ हजार ४२५ जना सङ्क्रमित भएका छन । त्यसैगरी कोरोनाभाइरसको सङ्क्रमणका कारण ४८८ जनाको मृत्यु भएको केन्द्रिय स्वास्थ्य तथा परिवार कल्याण मन्त्रालयले जनाएको छ ।

कुल सङ्क्रमित मध्ये दुई हजार ४५ जना सञ्चो भएर पूर्ववत अवस्थामा फर्किएको पनि मन्त्रालयको तथ्याङकमा उल्लेख गरिएको छ ।

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share