बुधबार, साउन १३, २०७८

आरडिटी पोजिटिभ : स्वाब परीक्षण नेगेटिभ

४ बैशाख २०७७, बिहीबार ०९:३३

सप्तरी । कोरोना भाइरसको सङ्क्रमण परीक्षणका लागि र्यापिड डाइग्नोस्टिक टेस्ट (आरडिटी) परीक्षण गर्दा कोरोना पोजिटिभ देखिएका सप्तरीका दुई जनाको पीसिआर विधिबाट गरिएको स्वाब परीक्षणको रिपोर्ट नेगेटिभ आएको छ ।

बुधबार गरिएको स्वाब परीक्षण नेगेटिभ आएको बिपी कोइराला स्वास्थ्य विज्ञान प्रतिष्ठान धरानले जनाएको राजविराजस्थित गजेन्द्रनारायण सिंह अस्पतालका प्रमुख मेडिकल सुपरिटेन्डेन्ट डा चुमनलाल दासले बताउनुभयो ।

भारतको दिल्लीस्थित निजामुद्दीन मरकजबाट सहभागी भई फर्किएका सात जनाको मङ्गलबार राति राजविराजस्थित अस्पतालले आरडिटी प्रविधिमार्फत एन्टिबडी परीक्षण गर्दा दुई जनाको रिपोर्ट पोजिटिभ देखिएको थियो ।

सप्तरीको तिलाठी कोइलाडी–१ तिलाठी र खडक नगरपालिका–११ बनौलीका जमातीहरुको पीसिआर विधिबाट भएको स्वाब परीक्षणको रिपोर्ट नेगेटिभ आएपछि उहाँहरुको स्वाब पीसीआर विधिबाट पुनः परीक्षणका लागि धरान पठाइएको थियो । मङ्गलबार परीक्षण गर्न नआएका राजविराज नगरपालिका–१० बिरौलका एक जमातीको बुधबार आरडिटी परीक्षण गरी स्वाब परीक्षणका लागि धरान पठाइएको छ । उहाँको आरडिटी परीक्षण गर्दा रिपोर्ट नेगेटिभ आएको छ ।

राजविराज अस्पतालले योसमेत १८ जनाको स्वाब परीक्षणका लागि धरान पठाएको छ । तीमध्ये १७ जनाको रिपोर्ट नेगेटिभ आएको छ भने बुधबार स्वाब पठाइएकाको रिपोर्ट आज मात्र आउने अस्पतालले जनाएको छ ।

अस्पतालले बुधबारसम्म २९ जनाको आरडिटी किटबाट परीक्षण गरेको जनाएको छ । तीमध्ये २७ जनाको रिपोर्ट नेगेटिभ आएको थियो । पोजिटिभ आएका दुई जनाको रिपोर्ट पिसिआर प्रविधिबाट बुधबार नेगेटिभ आएपछि सप्तरीवासीले राहत महसुस गरेका छन् । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share