सिन्धुली । प्रमुख प्रतिपक्षी दल नेपाली कांग्रेसका वरिष्ठ नेता रामचन्द्र पौडेलले विधमान समयमा कांग्रेसले जनमत संग्रहको माग गर्न नहुने बताएका छन् ।

नेपाल प्रेस युनियन सिन्धुली शाखाद्धारा आयोजित पत्रकार सम्मेलनमा वरिष्ठ नेता पौडेलले जनमत संग्रहको बहानामा डेमोक्रेसीलाई कममजोर पार्न नहुने बताए। संचारकर्मीहरुको प्रश्नको जवाफमा वरिष्ठ नेता पौडेलले नेत्रविक्रम चन्द विप्लवको गतिविधि ठीक नभएको बताउँदै सरकारले समस्या समाधानका लागि वार्तालाई प्राथमिकता दिनुपर्ने बताए ।

वरिष्ठ नेता पौडेलले प्रधानमन्त्रीले आफ्नो अधिकार बढाउने कार्य ठीक नभएको बताउँदै लोकतन्त्रका लागि समेत सो कार्य घातक हुने स्पष्ट पारे । विधममान समयमा प्रमुख प्रतिपक्षी दलको भूमिका पर्याप्त हुन नसकेको उल्लेख गर्दै वरिष्ठ नेता पौडेलले पद प्रतिष्ठा भन्दा पार्टी जोगाउने र बनाउने कार्यमा कांग्रेस लाग्नुपर्ने बताए ।