मङ्लबार, माघ ११, २०७८

स्थानीय आँपले उचित मूल्य पाएन

९ असार २०७३, बिहीबार १३:०७

गाईघाट (उदयपुर), ९ असार । स्थानीय उत्पादित आँपले उचित मूल्य नपाएको जिल्लाका किसानले गुनासो गर्न थालेका छन् ।

व्यापारीले बाहिर जिल्लाबाट आँप ल्याएर सस्तो मूल्यमा बिक्री गर्न थालेका कारण स्थानीयले उत्पादन गरेको आँपले उचित मूल्य पाउन नसकेको त्रियुगा नगरपालिका–८ बगाहाका किसान श्रवणदेव चौधरीले बताए ।

सदरमुकाम गाईघाट बजारमा स्थानीय आँपको मूल्य प्रतिकिलो रु ४० देखि रु ५० सम्म रहेको छ । तर बाहिरबाट आयातित आँप प्रतिकिलो रु २५ देखि रु ३० मा बिक्री भइरहेको छ । जिल्लाको पूर्वी क्षेत्रका तपेस्वरी, रामपुर, ठोक्सिला, सुन्दरपुर, हँडिया, जोगिदह र मध्य क्षेत्रको त्रियुगा नगरपालिकामा आँपखेती हुँदै आएको छ ।

जिल्लामा आँप पाक्न थालेपछि तराईका अन्य जिल्लाबाट व्यापारीले सस्तो मूल्यमा औषधी प्रयोग गरिएको आँप ल्याएर बिक्री गर्दा स्थानीय किसानले उचित मूल्य पाउन नसकेका जोगिदह–७ का डम्बरबहादुर खड्का बताउँछन् । “आँप बिक्री गर्ने बेला भयो, तर उचित मूल्य पाउन सकेका छैनौँ,” उनले भने । गुणस्तरहीन आँप खरिद गरेर व्यापारीले बजार क्षेत्र बिक्री गर्दै आएको उनको आरोप छ ।

बर्सेनि बाहिरबाट आयात गरिएका आँपका कारण जिल्लाका किसानले उचित मूल्य नपाउँदा मर्कामा पर्नु परेको छ । जिल्लामा ६८० हेक्टर जग्गामा व्यावसायिक रुपमा आँपखेती हुँदै आएको छ भने पाँच हजार ४४० मेट्रिक टन आँप उत्पादन हुने गरेको जिल्ला कृषि विकास कार्यालयका बागवानी अधिकृत रामकुमार यादवले जानकारी दिए । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share