शनिबार, माघ ८, २०७८

‘सहमतीय सरकारको नेतृत्व लिन तयार छौं’

२४ असार २०७३, शुक्रबार १७:०६

पोखरा, २४ असार । नेकपा (माओवादी) केन्द्रका प्रवक्ता पम्फा भुषालले सहमतीय सरकारको नेतृत्व लिन माओवादी तयार रहेको बताइन ।

प्रेस सेन्टर नेपाल कास्कीको एकता अधिवेशनको आज यहाँ उद्घाटन गर्दै उनले जसको नेतृत्वमा सहमति हुन्छ त्यसैको नेतृत्वमा राष्ट्रिय सहमतिको सरकार बनाउनुपर्ने र नेतृत्व दिए माओवादीपछि नहट्ने धारणा राखिन  ।

“संविधान कार्यान्वयन, जनताका भावनालाई सम्बोधन र शान्ति प्रक्रियाका बाँकी काम पूरा गर्न सहमतिको विकल्प छैनै उनले भनिन, “सहमति कायम गर्नका लागि माओवादी केन्द्रले पहल कदमी सुरु गरिसकेको छ ।”

दुई ठूला पार्टीबीचको सहमति एक वर्षअघि टुटेपछि नेकपा (एमाले)को नेतृत्वमा माओवादीलगायतका दल मिलेर सरकार बनेको स्मरण गराउँँदै प्रवक्ता भुषालले बहुमतीय आधारमा बनेको सरकार प्रभावकारी हुन नसकेको विचार व्यक्त गरिन ।

प्रेस सेन्टर नेपाल कास्कीका संयोजक दीपक परियारको अध्यक्षतामा भएको सो कार्यक्रममा नेकपा माओवादी केन्द्रका जिल्ला संयोजक राजकाजी गुरुङ, सल्लाहकार कोमलनाथ बराल, नेपाल प्रेस युनियनका केन्द्रीय उपाध्यक्ष रमेश पौडेल, प्रेस सेन्टर प्रदेश नं ४ का संयोजक त्रिभुवन पौडेल, पत्रकार महासङ्घ कास्कीका अध्यक्ष रामकृष्ण ज्ञवाली, महासङ्घका केन्द्रीय सदस्य सुष्मा पौडेल, प्रेस चौतारीका अध्यक्ष माधव बराललगायतका वक्ताहरुले एकता अधिवेशनको शुभकामनाका साथै आफ्ना भनाइ राखेका थिए । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share