बुधबार, कार्तिक १०, २०७८

संयुक्त वक्तव्यप्रति क्रान्तिकारी माओवादीको आपत्ति

२ आश्विन २०७३, आईतवार १८:४८

काठमाडौँ, २ असोज । नेकपा (क्रान्तिकारी माओवादी) ले प्रधानमन्त्री पुष्पकमल दाहालको भारत भ्रमणका क्रममा नेपाल र भारतले सार्वजनिक गरेको संयुक्त वक्तव्यका केही बुँदाप्रति आपत्ति जनाएको छ ।

baidayक्रान्तिकारी माओअवादीका अध्यक्ष मोहन वैद्यले आज एक प्रेस विज्ञप्ति जारी गरी संयुक्त वक्तव्यमा उल्लेखित विषय नेपाल र नेपाली जनताको हितविपरीत रहेको बताएका छन् ।

विज्ञप्तिमा भनिएको छ, “संयुक्त वक्तव्यमा विवादास्पद पञ्चेश्वर जलविद्युत् आयोजनालाई ब्युँझाइएको, बिप्पा समझौताप्रति सहमति जनाइएको, माथिल्लो कर्णाली, अरुण–३ सहितका ऊर्जा व्यापार सम्झौता, ऊर्जा विकास सम्झौता आदिलाई निरन्तरता दिँदै व्यापार, पारवहनसहित आर्थिक, राजनीतिक, सामरिक, सांस्कृतिकलगायत विविध पक्षमा भारतीय विस्तारवादद्वारा गरिएका हस्तक्षेपलाई नवीकरण गरिएको कुरा स्पष्ट देखिन्छ ।”

संयुक्त वक्तव्यमा उल्लेख भएको संयुक्त राष्ट्रसङ्घको सुरक्षा परिषद्को उम्मेदवारीमा नेपालले भारतलाई सघाउने वचन दिइनु असंलग्न परराष्ट्र नीति विपरीत हुने विज्ञप्तिमा उल्लेख छ ।

माओवादीले भारतसँग गरिएका सन् १९५० को सन्धि, ऊर्जा व्यापार सम्झौता, माथिल्लो कर्णाली जलविद्युत् परियोजनालगायत असमान तथा राष्ट्रघाती सन्धि सम्झौता एवम् सहमतिको खारेजीसहित नयाँ आधारमा नयाँ सम्झौता तथा सहमति गर्न विशेष जोड दिएको छ । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share