बुधबार, मंसिर २२, २०७८

लुम्बिनी विशेष तीर्थस्थल हुनु हाम्रा लागि गौरव होः राष्ट्रपति

२९ जेष्ठ २०७३, शनिबार १४:३५

काठमाडौँ, २९ जेठ ।

राष्ट्रपति विद्यादेवी भण्डारीले गौतमबुद्धको जन्मस्थल वरपरको पवित्र क्षेत्रको संरक्षण र विकास गरी लुम्बिनीलाई अन्तर्राष्ट्रिय रुपमै शान्ति नगरीका रुपमा विस्तार गर्नुपर्नेमा जोड दिएकी छन् । सुलक्षण कीर्ति विहार चोभारकी प्रमुख डा अनोजा गुरुमालाई म्यानमा सरकारले ‘महासधम्म ज्योतिकध्वज सम्मान २०१६’ प्रदान गरेका अवसरमा आज विहार परिसरमा आयोजित बधाई तथा शुभकामना कार्यक्रममा उनले भनिन्– “विश्वका सम्पूर्ण बौद्ध धर्मावालम्बी तथा बुद्धको शान्ति, अहिंसा, भ्रातृत्व, सहिष्णुता र करुणा सिद्धान्तमा आस्था राख्ने सबैका लागि लुम्बिनी विशेष तीर्थस्थलका रुपमा रहनु भनेको हाम्रो लागि खुसीको कुरा हो ।”

बौद्ध दर्शनमा विद्यावारिधि लिने पहिलो नेपाली भिक्षुणी डा अनोजालाई म्यानमा सरकारले बौद्धधर्मको गहिरो अनुसन्धान र प्रचारप्रसारमा उल्लेखनीय योगदान पु¥याएबापत उक्त सर्वाेत्कृष्ट सम्मान प्रदान गरेको हो । बौद्ध दर्शनका अनुयायीले मन, वचन र कर्मद्वारा बुद्धको ज्ञान र सन्देशलाई अझ गहिरोसँग प्रवाह गर्न सकेमा मानव जीवनलाई अनुशासित, खुसी र समृद्ध बनाएर समाजलाई स्थायी शान्तितर्फ अग्रसर गराउन मद्दत पुग्ने विश्वास उनले व्यक्त गरिन् । bidhya

सरकारले भाषिक, धार्मिक र जातीय विविधताको अनुपम फूलबारीका रुपमा रहेको नेपालको विविध विशेषता र मूल्यमान्यताको अभिवृद्धि र संरक्षण गर्ने हेतुले विभिन्न कार्यक्रम सञ्चालनमा ल्याएको बताउँदै राष्ट्रपति भण्डारीले भने– “हाम्रा गौरव गौतम बुद्धको पवित्र जन्मभूमि र महान् महर्षिहरुको तपोभूमिका रुपमा नेपालले संस्कृति र दर्शनको क्षेत्रमा विशेष भूमिका निर्वाह गर्दैआएको छ ।
सो अवसरमा संस्कृति, पर्यटन तथा नागरिक उडड्यनमन्त्री आनन्दप्रसाद पोखरेलले अहिंसाको आन्दोलन, लोककल्याण र शान्तिको सन्देश गौतमबुद्धले लुम्बिनी क्षेत्रबाट प्रवाह गर्नुभएको कुरा हामीले गौरवका साथ अन्तरर्राष्ट्रिय समुदाय समक्ष पु¥याउन आवश्यक छ भने । “तिलौराकोट, रामग्राम र देवदह क्षेत्रको विकास र विस्तार गरेर संसारभरका विभिन्न धर्मालम्बीलाई लुम्बिनी पु¥याउने काममा हामी सबैले हातेमालो गरेर काम गर्न आवश्यक छ”– उनले भने ।

समारोहमा नेपालका लागि श्रीलङ्का र म्यानमाका राजदूत एवम् नेपालका लागि चीनको राजदूतावासका प्रथम सचिवले लुम्बिनीको विकास र विस्तारमा पु¥याउँदै आएको सहयोग र दुई देशबीचको मैत्रीवत् सम्बन्धका विभिन्न पक्षका बारेमा धारणा राखेका थिए ।

समारोहमा बौद्ध धर्मका प्रवद्र्धक अश्वघोष महास्थविर र भिक्षुणी धम्मावती गुरुमाले अनोजाले नेपालको कुनाकाप्चामा मात्र नभई विश्वका पाँच महादेशमा पुगेर बौद्धदर्शनको प्रचारप्रसारमा निकै सफलता हासिल गर्नुभएको जानकारी गराएकी थिइन् ।

सम्मानित व्यक्तित्व डा अनोजाले बौद्ध शिक्षालाई जीवनोपयोगी बनाउने अभियानमा सबैलाई सफलता मिलोस् भनी शुभकामना व्यक्त गर्नुभयो । सो अवसरमा उहाँलाई विभिन्न सङ्घसंस्थाका तर्फबाट अभिनन्दन र कदरपत्र प्रदान गरियो ।

रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share