आइतवार, असार १९, २०७९

युरोपमा नेपालको पर्यटन प्रवद्र्धन

२० कार्तिक २०७३, शनिबार १४:४९

बागलुङ, २० कात्तिक । रोजगारीका लागि २० वर्षअघि युरोप छिरेका  सोम सापकोटाको भूमिका अहिले बदलिएको छ । रोजगारी, सामाजिक कामको अतिरिक्त नेपालको पर्यटन प्रवद्र्धनको अभिभारासमेत उनीमा थपिएको छ ।

बागलुङमा जन्मिएका सापकोटा अहिले युरोपमा विभिन्न मुलुकमा नेपाल चिनाउने अभियानमा छन् ।

नेपाल सरकारले नेपाल पर्यटन बोर्डको मानार्थ जनप्रतिनिधिमा नियुक्त गरेपछि सापकोटाको व्यस्तता पनि बढेको छ । डेनमार्कमा ‘एउटा साथी नेपाल पठाऔँं’ अभियान चलाएर चाडवाड मान्न नेपाल आएका  सापकोटाले आफूप्रति देशले ठूलो भरोसा राखेकोे बताए  ।

छ महिनाअघि नेपाल पर्यटन बोर्ड डेनमार्कको मानार्थ जनप्रतिनिधि भएपछि सापकोटाले पर्यटन प्रवद्र्धनका लागि योजना बनाएर कामअघि बढाएका छन् । ‘सुरुमा हामीले जुन भूकम्प पश्चात् नेपाल घुम्न असुरक्षित छ, भन्ने सन्देश बाहिरी विश्वमा पुग्यो, त्यसलाई चिर्न लाग्यौँं’ सापकोटाले भने “नेपाल सुरक्षित छ, भूकम्प पश्चात पनि नेपालको पर्यटन चलायनमान छ, भन्ने सन्देश, सूचना प्रवाह ग¥यौं ।”
नेपालका महत्वपूर्ण पर्यटकीय सम्पदा, पदमार्गलगायतका क्षेत्र सुरक्षित रहेकोप्रति विदेशी समुदायलाई आश्वस्त तुल्याउने काम गरिएको उनको भनाइ छ । डेनमार्कमा नेपाल पर्यटन बोर्ड मानार्थ जनप्रतिनिधिको कार्यालयनै स्थापना गरेर सापकोटाले नेपालको पर्यटन प्रवद्र्धन, सम्पदाको प्रचारप्रचारमा उल्लेख्य भूमिका खेल्दै आएका छन्  । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share