आइतवार, असार १९, २०७९

‘मेहनत गरे स्वदेशमै पनि कमाउन सकिन्छ’

२२ कार्तिक २०७३, सोमबार १६:१७

पोखरा, २२ कात्तिक । मेहनत गरे स्वदेशमै पनि कमाउन सकिन्छ भन्ने उदाहरण कास्कीको लेखनाथ नगरपालिका–१७ खैरेनीका नीलकण्ठ पौडेलले गरेकाे गाईपालन व्यवसाय नै एक उदाहरण बनेको छ । उनले दूध बेचेर मासिक रु एक लाख आम्दानी गर्दै आएका  छन्  ।

‘खैरेनी कृषि फार्म’ दर्ता गरी विगत सात वर्षदेखि यस व्यवसायमा लाग्नुभएका पौडेलले दैनिक ११० लिटर दूध बिक्री गर्दै आएका छन्  ।

उत्पादन गरेको दूध पोखराको सुजन डेरीले खरिद गर्ने गरेको छ । उनले अहिले १३ वटा उन्नत जातका गाई पालेका छन् । यस व्यवसायमा उनका दम्पति दिनरात खट्छन् ।

गाईपालन व्यवसायबाटै उनले थप जमिन पनि किन्नाका साथै रु २० लाख खर्चेर नयाँ पक्की घरसमेत बनाएका छन्  ।

“सबै विदेश गएर पैसा कमाउने गरेका छन् तपाईं किन जानु भएन नि” भनी सोध्दा आफ्नै देशमा मेहनत गरेर प्रशस्त कमाउन सकिँदोरहेछ किन विदेश जानुप¥यो भन्ने उनको जवाफ थियो ।

“एकपटक भर्ती हुन्छु भनेर भारतको गोरखपुर गएको थिएँ, बाबुआमा बिरामी भएको खबर सुनेपछि तुरुन्तै फर्केर आएँ, त्यसपछि विदेश जाने सोच कहिल्यै गरिनँ” – उनको भनाइ थियो ।

त्यही व्यवसायबाट तीन वटा छोरालाई निजी विद्यालयमा पढाएका उनका ठूलो छोराले स्नातकोत्तर, अर्कोेले बिएस्सी र कान्छो छोरो ९ कक्षामा पढ्दै छ ।

कास्कीको सिल्दुजुरे गाउँमा जन्मेका  पौडेल आपूm मुख र मुठी मात्र लिएर यो ठाउँमा आएको र छोटै समयमा यत्तिको प्रगति गर्न पाएकामा सन्तुष्ट भएको बताउछन् । उनले अहिले घाँसका लागि १२ रोपनी जमिन भाडामा पनि लिएका छन्  ।

सबै छोरालाई स्नातकोत्तरसम्मको उच्च शिक्षा दिने र उनीहरु सरकारी जागिरमा लागेर आत्मनिर्भर नबनेसम्म आपूm यस पेसामा निरन्तर लाग्ने उनको अठोट छ । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share