शुक्रबार, असार १७, २०७९

बालबालिका तस्करी गरेकाे अभियाेगमा रजनी श्रेष्ठ पक्राउ

२६ असार २०७३, आईतवार ०७:०४

काठमाडौ २६ असार– सांस्कृतिक आदानप्रदानका नाममा नेपाली बालबालिका अमेरिका तस्करी गरेको आरोपमा पुतलीसडकस्थित सहारा लिंक इन्टरनेसनल प्रालिकी प्रबन्ध निर्देशक रजनी श्रेष्ठलाई शनिबार प्रहरीले हिरासतमा राखेर कारवाही थालेको छ।

नौ जना बालबालिका अमेरिका पुर्याएर उतै छाडेको अभियोगमा अनुसन्धान गरिरहेको महानगरीय प्रहरी परिसर काठमाडौंले मानव ओसारपसार  तथा बेचबिखन ऐनअन्तर्गत थप कारवाहीका लागि श्रेष्ठलाई शनिबार हिरासतमा लिएको हो । परिसरले अनुसन्धानका लागि हाजिरी जमानीमा राखेकी श्रेष्ठलाई थप प्रमाणका आधारमा हिरासतमा लिएको  हो ।

परिसरका प्रमुख एसएसपी विक्रमसिंह थापाले थप अनुसन्धानका लागि श्रेष्ठलाई हिरासतमा लिएको पुष्टि गरे । उनले घटनापछि प्रहरीको नियमित सम्पर्कमा रहेकी श्रेष्ठका बिरुद्ध थप प्रमाण जुटाउन हिरासतमा लिनु परेको बताए । उनले भने ‘घटनाका विषयमा थप प्रमाण र आधार भेटिएका छन, कानुन अनुसार अनुसन्धान हुन्छ। ’

समर स्कुलका लागि भनेर अमेरिका पुर्याइएका नाै बालबालिका न्युयोर्क विमानस्थलबाट भगाएपछि फर्किने क्रममा त्रिभुवन अन्तर्र्रािष्ट्रय विमानस्थल अध्यागमनले रजनीलाई नियन्त्रणमा लिएर प्रहरीलाई बुझाएको थियो। अमेरिका प्रवेश गर्दा साथमा रहेका बालबालिका पछि बेपत्ता देखिएपछि अध्यागमन विभागले प्रहरीलाई असार १६ गते  पत्राचार गर्दै श्रेष्ठमाथि अनुसन्धान गर्न आग्रह गरेको थियो। नागरिक दैनिकमा खबर छ ।

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share