शनिबार, असार ११, २०७९

बाढी र पहिरोमा परी पैतीसको मृत्यु

६ असार २०७३, सोमबार ०७:०६

इन्डोनेसिया, ६ असार । इन्डोनेसियाको मध्यभूभागमा बाढी र पहिरोमा परी कम्तिमा ३५ जनाको मृत्यु भएको यहाँको प्रशासनले आइतबार जनाएको छ ।

बाढी र पहिरोका कारण दर्जनौँ घर भत्केका र यसका कारण मृतक सङ्ख्या अझै बढ्न सक्ने बताइएको छ । ठूलो वर्षापछि आएको बाढीका कारण कैयौँ मानिस बेपत्ता भएका खबर आएपछि उद्धार टोली बाढी प्रभावित क्षेत्रमा पुगेको छ ।

इन्डोनेसियाको प्रकोप व्यवस्थापन संस्थाका प्रवक्ता सुटुपोनोबो पूर्वोरेजोले मध्य जाभाक्षेत्रमा हालैका दिनमा भएको व्यापक वर्षापछि बाढी आउँदा र पहिरो जाँदा ३५ जना मृत्यु भएको, २५ बेपत्ता भएको र १४ जना गम्भीर घाइते भएका बताए ।

वर्षापछि नदीको सतह बढेपछि बस्तीमा पसेको पानीले हजारौँ घर डुबानमा पारेको, सडकहरु भत्काएको बताइएको छ ।

यहाँका टेलिभिजनद्वारा सम्प्रेषित दृश्यमा कैयौँ मानिस बाढी र डुबानबाट बाँच्न गाउँगाउँमा रुखका हाँगामा बसी सहयोगको याचना गरिरहेको देखाइएको छ । रासस/एएफपी

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share