शुक्रबार, कार्तिक ५, २०७८

नेपाल–भारत सम्बन्धमा नयाँ अध्यायको विकास

२८ भाद्र २०७३, मंगलवार १६:०२

काठमाडौँ, २८ भदौ । परराष्ट्रमन्त्री डा प्रकाशशरण महतले नेपाल–भारत सम्बन्धमा नयाँ अध्यायको विकास हुने बताएका छन् । 

महत भारतको तीन दिने भ्रमण सकेर मङगलबार काठमाडौँ फर्किएपछि त्रिभुवन अन्तर्राष्ट्रिय विमानस्थलमा परराष्ट्रमन्त्री डा प्रकाशशरण । तस्बिरः रोशन सापकोटा, रासस
महत भारतको तीन दिने भ्रमण सकेर मङगलबार काठमाडौँ फर्किएपछि त्रिभुवन अन्तर्राष्ट्रिय विमानस्थलमा परराष्ट्रमन्त्री डा प्रकाशशरण । तस्बिरः रोशन सापकोटा, रासस

तीन दिने भारत भ्रमण सकेर काठमाडौँ फर्किएपछि उनले अन्तराष्ट्रिय विमानस्थलमा पत्रकारसँग कुरा गर्दै सो कुरा बताएका हुन् । मन्त्री डा महत आइतबार भारततर्फ गएका थिए ।

परराष्ट्रमन्त्री डा महतले भारतमा रहँदा त्यहाँका विदेशमन्त्री सुष्मा स्वराज, ऊर्जामन्त्री पियूष कोयल, जलस्रोतमन्त्री उमा भारतीलगायतका नेतासँग द्विपक्षीय सम्बन्ध र सहयोगका बारेमा मैत्रीपूर्ण छलफल भएको बताए ।

बिहीबारदेखि प्रधानमन्त्री पुष्पकमल दाहालले भारतको चारदिने राजकीय भ्रमण गर्ने भएका छन् । प्रधानमन्त्रीको भ्रमणको तयारीको शिलशिलामा परराष्ट्रमन्त्री डा महतले भारत भ्रमण गरेका हुन् ।

उनले पञ्चेश्वर जलविद्युत् परियोजना निर्माणमा भारतले तदारुकता देखाउनुपर्ने आफूले जानकारी गराएको बताए ।

झन्डै दुईदशकअघिदेखि रोकिएको उक्त आयोजना निर्माण सम्बन्धमा २०७१ साउन १८ गते भारतका प्रधानमन्त्री नरेन्द्र मोदी नेपालको औपचारिक भ्रमणमा आउँदा छलफल भएको थियो ।

परराष्ट्रमन्त्री डा महतले भारतमा रहँदा त्यहाँका नेतासँग सीमा क्षेत्रमा डुबान, कृषि वस्तुको निर्यात, कमला डाइभर्सन, हुलाकी सडक, डडेल्धुरा, बैतडी र दार्चुला जोड्ने रिङ्रोड, थप नयाँ नाका खोल्नेलगायतका विषयमा छलफल भएको जानकारी दिए । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share