शुक्रबार, कार्तिक ५, २०७८

तीनजना डिनको एकसाथ पदावधि सकियो

२४ भाद्र २०७३, शुक्रबार ०८:४०

कञ्चनपुर, २४ भदौ । सुदूरपश्चिमाञ्चल विश्वविद्यालयका तीनजना डिनको पदावधि एकै साथ सकिएको छ । चार वर्षअघि नियुक्त भएका विश्वविद्यालयको विज्ञान तथा प्रविधि सङ्कायका डिन प्रा डा भवानीचन्द ठकुरी, वाणिज्य सङ्कायका डिन प्रा भारती जोशी र शिक्षा शास्त्र सङ्कायका डिन प्रा डा नारद पाण्डेयको पदावधि सकिएको हो ।

%e0%a4%b8%e0%a5%81%e0%a4%a6%e0%a5%82%e0%a4%b0%e0%a4%aa%e0%a4%b6%e0%a5%8d%e0%a4%9a%e0%a4%bf%e0%a4%ae%e0%a4%be%e0%a4%9e%e0%a5%8d%e0%a4%9a%e0%a4%b2-%e0%a4%b5%e0%a4%bf%e0%a4%b6%e0%a5%8d%e0%a4%b5%e0%a4%b5सुदूरपश्चिमाञ्चल विश्वविद्यालय ऐन २०६७, को दफा २६ को प्रावधानअनुसार कार्यकारी परिषद्ले तीनजनै डिनको नियुक्ति गरेको थियो । यही भदौ २१ गतेदेखि तीनवटै सङ्कायका डिनको पदावधि सकिएपछि विश्वविद्यालयमा नयाँ डिन नियुक्तिका लागि विभिन्न प्राध्यापक सङ्घसङ्गठनबीच छलफल र आन्तरिक तयारी सुरु भएको छ ।

नयाँ डिन नियुक्तिका लागि नेपाली काँग्रेस, नेकपा (एमाले), नेकपा (माओवादी केन्द्र) निकटका प्राध्यापक सङ्घसङ्गठन आन्तरिक गृहकार्यमा जुटेका छन् । सम्बन्धित सङ्कायमा सेवारत रहेका प्राध्यापक र सहप्राध्यापक मध्येबाट कार्यकारी परिषद्ले डिन नियुक्त गर्न सक्ने प्रावधान रहेको छ ।

विश्वविद्यालय सभाले इन्जिनियरिङ सङ्कायलाई छुट्टै सङ्कायको मान्यता दिएकाले इन्जिनियरिङ सङ्कायको डिनसमेत विश्वविद्यालयले नियुक्त गर्नुपर्नेछ । मानविकी सङ्कायका डिन प्रा डा टेकराज पन्तको उमेर हदका कारण पदावधि सकिएपछि गत वर्ष रिक्त स्थानमा प्रा डा चन्दन सिंह बोहरालाई नियुक्त गरिएको थियो । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share