मङ्लबार, असार २१, २०७९

कारागार जीर्ण बन्दा कैदीलाई समस्या

१७ जेष्ठ २०७३, सोमबार १२:१०

डोटी, १७ जेठ । डोटीको सदरमुकाम सिलगढीमा अवस्थित जिल्ला कारागार जीर्ण बन्दा कैदीलाई समस्या हुने गरेको छ ।

जीर्ण बनेको कारागारमा वर्षा हुँदा चुहिने, ओश आउने समस्या रहेको छ ।
जिल्ला कारागारमा कर्तव्य ज्यान मुद्दामा कैद भोगिरहेका घाँगल गाविसका कैदी दीपेन्द्र जेठाराका अनुसार वर्षात्को समयमा कैदीलाई बस्न निकै समस्या हुने गरेको छ । उनले भने – “पुरानो भवन भएकै कारण कैदीलाई फराकिलो वातावरणमा बस्ने समस्या छ, एकातिर पानी आएपछि चुहिन्छ” – धेरैपटक कारागारलाई आग्रह गर्दासमेत मागको सुनुवाइ नभएको उनले गुनासो गरे ।
राणा शासनकालमा निर्मित यस कारागारमा कैदीलाई बस्ने कोठासमेत स–साना रहेको तथा कैदीलाई खेल्न र रमाइलो गर्नलाई एकदमै थोरै क्षेत्रफल रहेको कारागारको स्थापना भएको कारागारका जेलर यज्ञराज पाठकले बताए ।
जम्मा १२ आनामात्रै क्षेत्रफल भएको कारागारमा ४५ जना कैदी बस्ने क्षमता भएकामा हाल आठजना थुनुवा, दुई महिला र २३ जना कैदीबन्दी रहेका छन् ।
कारागारसँगै जोडिएको खाद्य संस्थानको खाली जग्गालाई खरिद गरी आवश्यक संरचना निर्माण गर्ने प्रक्रिया अगाडि बढाइएको भएपनि सफल हुन नसकेको पाठकको भनाइ छ ।
हाल गणतन्त्र दिवसका अवसरमा यस कारागारबाट नौ कैदी रिहा भएपछि जिल्ला कारागार डोटीमा ३३ जना कैदीबन्दी रहेका छन् । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share