शनिबार, मंसिर १८, २०७८

‘एक स्याउ फार्म, एक जर्सी गाई’ कार्यक्रम लागू

२५ जेष्ठ २०७३, मंगलवार १३:४९

जुम्ला, २५ जेठ । जिल्ला पशुसेवा कार्यालय जुम्लाले ‘एक स्याउ फार्म, एक जर्सी गाई’ कार्यक्रम लागू गरेको छ ।

कार्यक्रमअन्तर्गत कार्यालयले किसानलाई ५० प्रतिशत अनुदानमा जर्सीगाई वितरण गरेको हो । बाह्र जना कृषकलाई सोमबार १२ वटा उन्नत जातका जर्सी गाई वितरण गरिएको पशु विकास अधिकृत ज्ञानेन्द्रसिंह बुढ्थापाले जानकारी दिए ।
पशु विकास अधिकृत बुढ्थापाले भने – “कार्यालयको ‘एक स्याउ फार्म, एक जर्सी गाई’ कार्यक्रमअन्तर्गत ५० प्रतिशत अनुदानमा गाई वितरण गरिएको हो, ५० प्रतिशत भने किसान स्वय्मको लगानी छ ।”
पशु स्वास्थ्य प्रविधिज्ञ नरसिंह थापाका अनुसार मापदण्डमा १२ जनाको कोटा थियो तर ३१ किसानले दरखास्त हालेका थिए । कार्यालयको प्राविधिक टोलीले गरेको अनुगमन तथा निरीक्षणबाट घरमा स्याउ बगैँचा भएका जिल्लाभरिका १२ किसान छनोट गरी गाई वितरण गरिएको थापाले बताए । उनका अनुसार जुम्लाका पटमारा, चन्दननाथ, देपालगाउ र गज्याङ्ककोट गाविसका किसानलाई गाई वितरण गरिएको छ ।
विशेष गरी जिल्लाको पोषण स्थितिमा सुधार ल्याउन, बजारको मागलाई पूर्ति गर्न र स्याउ तथा दूध उत्पादनबाट किसानको जीवनस्तर माथि उकास्न ५० प्रतिशत अनुदानमा जर्सी गाई वितरण गरिएको जिल्ला कृषि विकास कार्यालय जुम्लाले जनाएको छ । पछिल्लो चरणमा जर्सी गाईपालन व्यवसायमा किसानको आकर्षण बढ्दै गएको छ । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share