आइतवार, असार १९, २०७९

उदाउँदो सूर्यलाई अर्घ दिई छठ सम्पन्न

२२ कार्तिक २०७३, सोमबार १७:५२

पोखरा, २२ कात्तिक । उदाउँदो सूर्यलाई अर्घ दिई यस वर्षको छठ पर्व पोखरामा सकिएको छ ।

व्रतालु भक्तजनले आइतबार साँझ अस्ताउँदो सूर्यलाई अर्घ दिई रातभर नदीनालाका किनारमा भजन किर्तन गरी रमाइलो गरेका थिए ।

पोखराको केदारेश्वर मन्दिरस्थित फेवाताल, नारायणथानस्थित सेतीनदी र कालीखोलाको सङ्गमस्थलमा गरी तीन ठाउँमा छठ पर्व मनाइएको थियो ।

विशेषगरी तराईमूल र पहाडी जातीका मानिसले पनि ती ठाउँमा छठ पर्व मनाएको बताइएको छ । पछिल्ला वर्षमा तराई समुदायका व्यक्ति मात्र नभएर पोखरा र यस आसपासमा बसोबास गर्ने अन्य जातीका व्यक्तिले पनि छठ मनाउन थालेका छन् ।

चतुर्थीको दिनदेखि सुरु भएको छठ पर्वमा षष्ठीको दिन बेलुकी अस्ताउन लागेको र सप्तमीका दिन उदाउँदो सूर्यलाई अर्घ दिएपछि छठ पर्व सकिने गर्दछ ।

व्रत बस्ने व्यक्तिले निष्ठापूर्वक पवित्र जलाशयमा स्नान गरी बेलुका दूध, चामल र सख्खरको खीर पकाई प्रसादका रूपमा आफूले खाने र व्रत नबस्ने परिवारका सदस्यलाई पनि खुवाउने प्रचलन रहेको छ । रासस

प्रतिकृया लेख्नुहोस्:

सूचना विभाग दर्ता न: २२०/०७३-७४
सम्पादक तथा सञ्चालक :
मोतीलाल पौडेल
मोबाइल : ९८५८०५००१०/९८५१२६००१०

YouTube Videos from Kahbarera HD

Subscribe
0 Shares
Tweet
Pin
Share