• schedule सोमवार, कार्तिक ४, २०७६

    विपद व्यवस्थापन कार्यमा एकिकृत रुपमा लाग्न मुख्यमन्त्री शाहीको निर्देशन

    ३० असार २०७६, सोमबार १५:०२

    Sharing is caring!

    सुर्खेत । कर्णाली प्रदेशका मुख्यमन्त्री महेन्द्रबहादुर शाहीले प्रभावकारी रुपमा विपद व्यवस्थापनका कार्यमा लाग्न निर्देशन दिनुभएको छ । कर्णाली प्रदेश विपद व्यवस्थापन परिषदको सोमवार सम्पन्न वैठकमा बाेल्दै मुख्यमन्त्री शाहीले फरक फरक प्रदेशमा फरक फरक विशेषताको विपदको समस्या रहेको बताउनुभयो । उहाँले कर्णाली प्रदेशको सापेक्षता अनुसारको विपद प्रतिकार्य योजनाको आवश्यक रहेको बताउनुभयो

    मुख्यमन्त्री शाहीले वर्षायामको शुरु संगै विपदका घटनाहरु बढिरहेको बताउँदै सरकारका सवै संयन्त्र एकिकृत रुपमा उद्धार तथा व्यवस्थापनका कार्यमा लाग्नुपर्ने बताउनुभयो । विपद प्रभावितहरुको तत्काल उद्धार, उपचार, आवास तथा खाद्यान्नको प्रवन्धका लागि सवै निकाय एकिकृत रुपमा परिचालन हुनुपर्ने मुख्यमन्त्री शाहीको भनाई छ ।

    मुख्यमन्त्री शाहीले सरकारको तर्फवाट उद्धार तथा विपद व्यवस्थापनको कार्यमा कुनै पनि समस्या आउन नदिने प्रतिवद्धता व्यक्त गर्दै त्यसको लागि उद्धार तथा अन्य सामाग्रीको अभाव भएमा तत्काल सरकारलाई जानकारी दिन आग्रह गर्नुभयो ।

    उद्धारका लागि तिनवटै सुरक्षा निकायको टोलीलाई युनिफाईड कमाण्डमा परिचालन गरिएमा प्रभावकारी हुने बताउँदै मुख्यमन्त्री शाहीले त्यस्तो व्यवस्था गर्न सुरक्षा निकायलाई आग्रह गर्नुभयो ।

    मुख्यमन्त्री शाहीले कर्णाली प्रदेश भित्रका कुनै पनि मुख्य राजमार्ग बाढीपहिरोका कारण अवरोध उत्पन्न हुन नदिन निर्देशन गर्नुभएको छ । उहाँले राप्ती लोकमार्ग, कर्णाली लोकमार्ग तथा जाजरकोट डोल्पा सडकमा डोजर सहितको टोलीलाई ४० किलोमीटरको दुरीमा क्याम्प खडा गरेर वस्ने व्यवस्था मिलाउन भौतिक पुर्वाधार मन्त्रालयलाई निर्देशन गर्नुभएको छ । बाढीपहिरोका कारण आवागमण रोकीनु हुदैन, बाढीपहिरोको समस्या आउने वित्तिकै सुचारु हुनुपर्छ – मुख्यमन्त्री शाहीले बताउनुभयो ।

    त्यसैगरि कर्णालीका दुर्गम जिल्लामा उद्धारकार्यलाई प्रभावकारी बनाउन सुर्खेतमा एउटा हेलीकोप्टर तयारी अवस्थामा रहने व्यवस्था गर्न पनि उहाँले निर्देशन दिनुभयाे  ।

    डोल्पा लगायतका जिल्लामा बाढीपहिरोमा परि ज्यान गुमाएका मृतकका परिवारलाई प्रति परिवार १ लाख रुपैया राहत दिने पनि प्रदेश विपद व्यवस्थापन परिषदले निर्णय गरेको छ ।

    प्रतिकृया लेख्नुहोस्:

    सूचना विभाग दर्ता न: २२०/०७३-७४
    सम्पादक तथा सञ्चालक :
    मोतीलाल पौडेल
    मोबाइल : ९८५८०५००१०/९८५१२६००१०

    YouTube Videos from Kahbarera HD

    Subscribe
    shares