• schedule सोमवार, अशोज २७, २०७६

    सरकारको योजना र प्राथमिकताका क्षेत्रमा काम गर्नुहोस : मुख्यमन्त्री शाही 

    १५ असार २०७६, आईतवार १७:५६

    Sharing is caring!

    सुर्खेत । कर्णाली प्रदेशका मुख्यमन्त्री महेन्द्रवहादुर शाहीले प्रदेश सरकारको योजना र प्राथमिकतामा काम गर्न अन्तराष्ट्रिय गैर सरकारी संस्थाहरुलाई आग्रह गर्नुभएको छ ।

    मुख्यमन्त्री तथा मन्त्रिपरिषदको कार्यालयमा आईतवार सम्पन्न प्रदेश सरकारको नीति तथा योजना एवं अन्तराष्टिय गैरसरकारी संस्थाहरुका कार्यक्रमका वारेमा छलफल एवं अन्तरक्रियामा वोल्दै मुख्यमन्त्री शाहीले आफुखुशी सरकारको प्राथमिकता नरहेको क्षेत्रमा काम गर्ने प्रवृत्ति रहँदासम्म गैरसरकारी संस्थाहरुको काम नतिजामुखी नहुने  बताउनुभयो ।

    अन्तराष्ट्रिय गैरसरकारी संस्थाहरुको संगठन (AIN)को आयोजनामा भएको अन्तरक्रियामा मुख्यमन्त्री शाहीले कर्णालीको विकासको मुख्य प्राथमिकता सडक र विद्युत रहेकोमा जोड दिदै कर्णालीको गरिवि हटाउन र आर्थिक विकासको ढोका खोल्न भौतिक पुर्वाधारको विकास अपरिहार्य रहेको बताउनुभयो ।

    गैरसरकारी संस्थाहरु मार्फत आउने बजेट अनुत्पादक क्षेत्रमा खर्च भएको बताउँदै मुख्यमन्त्री शाहीले भन्नुभयो– ‘तपाईहरु चामल र जंकफुड वितरणमा किन बजेट खेर फाल्नुहुन्छ ? बरु स्थानीय खाद्यान्नको उत्पादन, सिंचाई, कृषि सामाग्री वितरणका क्षेत्रमा काम गर्नुस ।’ मुख्यमन्त्री शाहीले वितरणमुखी कार्यक्रमले जनतामा परनिर्भरताको विकास गर्ने भन्दै उत्पादन तथा स्वरोजगारमुखी कार्यक्रम बनाउनुपर्नेमा जोड गर्नुभयो ।

    यसैगरि गैरसरकारी संस्थाको कामको अनुगमण, मुल्याँकन तथा नियमणलाई प्रभावकारी बनाईने बताउँदै मुख्यमन्त्री शाहीले सरकारको नीति, योजना र प्राथमिकताको क्षेत्रमा काम गर्ने संस्थालाई सरकारले प्रोत्साहन गर्ने बताउनुभयो ।

    कार्यक्रममा बाेल्दै सामाजिक विकास मन्त्री दल रावलले सरकार र अन्तराष्ट्रिय गैरसरकारी संस्थाहरु विचको छलफल र अन्तरक्रिया शुरु भएको भन्दै कर्णालीको विकास र समृद्धिको लागि दुवै पक्ष पारदर्शिता, जवादेहिता र साझेदारीताको आधारमा अगाडि बढ्नुपर्ने बताउनुभयो ।

    हिजोका दिनमा नागरिक संस्था र राजनीतिक दल एकाकार भएर राजनीतिक अधिकार प्राप्तीको आन्दोलनमा लागेको स्मरण गर्दै मन्त्री रावलले अव विकास र समृद्धिको राष्ट्रिय एजेण्डामा केन्द्रित हुनुपर्नेमा जोड दिनुभयो ।
    मुलुकमा जनचाहना बमोजिम संघीयताको लागु भएको बताउँदै उहाँले सरकारको प्रणालीलाई वलियो वनाएर मात्रै जनताको विकास र समृद्धिको सपना पुरा हुने बताउनुभयो ।

    यसैगरि अन्तरक्रिया कार्यक्रममा बाेल्दै नेपाली काँग्रेस संसदीय दलका नेता जीवनवहादुर शाहीले कर्णालीको विकासका लागि ‘६–ब’को नीति लिन आवश्यक रहेको बताउनुभयो । आफुले ‘वाटो, विजुली, विचार, बन, बजार र व्यवस्थापन’ ‘६–ब’को नीति लिन सरकारलाई सुझाव दिएको बताउँदै प्रदेश सरकार गम्भिर नभएको आरोप लगाउनुभयो ।

    कार्यक्रममा कर्णाली प्रदेश योजना आयोगका उपाध्यक्ष डा.पुण्यप्रसाद रेग्मी, मुख्यमन्त्रीका राजनीतिक सल्लाहकार भिमप्रकाश शर्मा, प्रदेश योजना आयोगका सदस्य डा.दिपेन्द्र रोकाया, प्रदेश सरकारका प्रमुख सचिव केवलप्रसाद भण्डारी अन्तराष्ट्रिय गैरसरकारी संस्थाहरुको संगठन (AIN) का पदाधिकारी तथा कर्णालीमा कार्यरत विभिन्न अन्तराष्ट्रिय गैरसरकारी संस्थाका प्रतिनिधिहरुको सहभागिता रहेको थियो ।

    प्रतिकृया लेख्नुहोस्:

    सूचना विभाग दर्ता न: २२०/०७३-७४
    सम्पादक तथा सञ्चालक :
    मोतीलाल पौडेल
    मोबाइल : ९८५८०५००१०/९८५१२६००१०

    YouTube Videos from Kahbarera HD

    Subscribe
    shares