• surkhet online bazar
  • schedule शुक्रबार, जेष्ठ १०, २०७६

    पश्चिम सेती सुदूरपश्चिमवासीलेनै बनाउनुपर्छ : पूर्वप्रधानमन्त्री देउवा

    १७ फाल्गुन २०७५, शुक्रबार २१:०७

    Sharing is caring!

    कञ्चनपुर । नेपाली काङ्ग्रेसका सभापति शेरबहादुर देउवाले पश्चिम सेती जलविद्युत् परियोजना सुदूरपश्चिमवासीलेनै बनाउनुपर्ने बताएका छन् । 

    प्रदेशस्तरीय व्यापार मेला तथा कञ्चनपुर पर्यटन महोत्वसको शुक्रबार महेन्द्रनगरमा उद्घाटन गर्दै उनले विकासका लागि सुदूरपश्चिम ठूलो सम्भावना बोकेको प्रदेश भएकाले गौरवको योजनालाई यहीँका जनताले बनाउनुपर्ने बताए ।  

    पूर्वप्रधानमन्त्रीसमेत रहनुभएका देउवाले परियोजनाको शेयर सुदूरपश्चिवासीलाई दिनुपर्ने र त्यसको नाफा पनि यहाँका जनतालेनै पाउनुपर्नेमा जोड दिए । “जलविद्युत्का दृष्टिकोणले यो प्रदेश सबैभन्दा धनी प्रदेश बन्न सक्छ, कर्णाली यहीँ छ, सेती र महाकाली यहीँ छन्, प्राकृतिक साधनको उचित प्रयोग गर्नु आवश्यक छ,” उनले भने । 

    वाणिज्य सङ्घले पूर्वप्रधानमन्त्री देउवालाई सोही अवसरमा १२ किलोको मालाले अभिनन्दनसमेत गरेको थियो । यही फागुन २६ गतेसम्म सञ्चालन हुने महोत्सवमा १७० कक्ष छन् । महोत्सवमा दैनिक उपभोग्य सामग्री, गारमेन्टका सामग्री, इलेक्टोनिक्स, अटोमोबाइल, कृषिका आधुनिक औजार सामग्री, बाल उद्यान, दुग्धजन्य वस्तुलगायत राखिएका छन् ।

    प्रतिकृया लेख्नुहोस्:

    सूचना विभाग दर्ता न: २२०/०७३-७४
    सम्पादक तथा सञ्चालक :
    मोतीलाल पौडेल
    मोबाइल : ९८५८०५००१०/९८५१२६००१०

    YouTube Videos from Kahbarera HD

    Subscribe
    shares