• schedule शनिबार, साउन ४, २०७६

    पत्रकार महासङ्घको साधारणसभाको तयारी पूरा

    ८ फाल्गुन २०७५, बुधबार १६:१८

    Sharing is caring!

    पोखरा । नेपाल पत्रकार महासङ्घको यही बिहीबारदेखि पोखरामा हुने दुईदिने वार्षिक साधारणसभा एवं विधान अधिवेशनको सम्पूर्ण तयारी पूरा भएको छ । साधारणसभाबारे जानकारी दिन आज यहाँ आयोजित पत्रकार सम्मेलनमा महासङ्घ केन्द्रीय अध्यक्ष गोविन्द आचार्यले पोखरामा हुने कार्यक्रममा देशभरबाट प्रतिनिधि र पर्यवेक्षक गरी एक हजार ५०० को सहभागिता रहने बताए । 

    सङ्घीय संरचनाअनुसार महासङ्घको संरचना पनि परिवर्तन हुन लागेको बताउँदै उनले साधारणसभासँगै हुने विधान अधिवेशनले प्रत्यक्ष निर्वाचित कार्यकारी अध्यक्षसहितको विधान परिमार्जन गर्ने जानकारी दिए । उनका अनुसार परिमार्जित विधानसँगै महासङ्घको सङ्घ, प्रदेश र जिल्लाको अधिवेशन एकै दिन हुनेछ । 

    पोखराको साधारणसभा महत्वपूर्ण बन्ने विश्वास व्यक्त गर्दै उनले यससँगै महासङ्घ नयाँ गति एवं उत्साहका साथ अघि बढ्ने विश्वास व्यक्त गरे । नेपाल पत्रकार महासङ्घ कास्कीका अध्यक्ष दीपेन्द्र श्रेष्ठले महासङ्घ केन्द्रको आयोजना एवं कास्की जिल्ला शाखाको स्थानीय व्यवस्थापनमा हुन लागेको साधारणसभा भव्य र सभ्य बन्ने विश्वास व्यक्त गर्दै स्थानीय तहमा गर्नुपर्ने सबै तयारी सम्पन्न भएको जानकारी दिए । 

    उनका अनुसार सभामुख कृष्णबहादुर महराले उद्घाटन गर्ने साधारणसभा एवं विधान अधिवेशन अवसरमा विभिन्न सांस्कृतिक कार्यक्रमका साथै प्रभातफेरीको आयोजना गरिएको छ । 

    प्रतिकृया लेख्नुहोस्:

    सूचना विभाग दर्ता न: २२०/०७३-७४
    सम्पादक तथा सञ्चालक :
    मोतीलाल पौडेल
    मोबाइल : ९८५८०५००१०/९८५१२६००१०

    YouTube Videos from Kahbarera HD

    Subscribe
    shares
    error: समाचार copy गर्न पाइने छैन । Khabarera.com